Meena Kumari (Ranjit Singh Preet)

    ਜਾਨੇ ਵਾਲੇ ਕਭੀ ਨਹੀਂ ਆਤੇ----

                        ਰਣਜੀਤ ਸਿੰਘ ਪ੍ਰੀਤ

                    ਸਾਰੀ ਉਮਰ ਸੁਹਲ-ਸੁਬਕ ਜਿਹੇ ਨਾਜ਼ੁਕ ਬਦਨ ਉੱਤੇ ਸਮੇ ਦੀਆਂ ਜਰਵਾਣੀਆਂ ਛਮਕਾਂ ਦੀ ਮਾਰ ਹੰਢਾਉਂਦੀ ਮਹਿਜ਼ਬੀਨ ਬਾਨੋ ਦਾ ਜਨਮ ਪਹਿਲੀ ਅਗਸਤ 1932 ਨੂੰ ਚੁੱਪ ਫ਼ਿਲਮਾਂ ਦੀ ਸਾਬਕਾ ਅਭਿਨੇਤਰੀ,ਅਤੇ ਡਾਨਸਰ ਇਕਬਾਲ ਬੇਗ਼ਮ (ਕਾਮਿਨੀ) ਦੀ ਕੁੱਖੋਂ ,ਪਿਤਾ ਅਲੀ ਬਖ਼ਸ਼ ਦੇ ਘਰ ਮੁੰਬਈ ਵਿਖੇ ਵੱਡੀਆਂ ਬੇਟੀਆਂ ਖ਼ੁਰਸ਼ੀਦ ਅਤੇ ਮਧੂ ਪਿੱਛੋਂ ਹੋਇਆ । ਸ਼ੀਆ ਮੁਸਲਮਾਨ ਅਲੀ ਬਖ਼ਸ਼ ਦਾ ਕਲਾਕਾਰੀ ਸਬੰਧ ਪਾਰਸੀ ਥਿਏਟਰ ਅਤੇ ਹਰਮੋਨੀਅਮ ਪਲੇਅ ਕਰਨ ਤੋਂ ਇਲਾਵਾ ਉਰਦੂ ਕਵਿਤਾ ਲਿਖਣ ਨਾਲ ਵੀ ਸੀ ।

              ਆਪਣੀ ਦੂਜੀ ਬੀਵੀ ਇਕਬਾਨ ਬਾਨੋ ਦੇ ਕਹਿਣ ‘ਤੇ ਅਲੀ ਬਖ਼ਸ਼ “ਰੂਪਤਾਰਾ ਸਟੁਡੀਓ” ਵਿੱਚ ਕਿਸੇ ਭੂਮਿਕਾ ਲਈ ਉਤਾਵਲਾ ਸੀ ਅਤੇ ਮਹਿਜ਼ਬੀਨ ਦੇ ਪੜ੍ਹਾਈ ਕਰਨੀ ਕਹਿਣ ’ਤੇ ਵੀ ਉਹ ਉਸ ਨੂੰ ਏਸੇ ਲਾਈਨ ਵਿੱਚ ਲਿਜਾਣ ਦਾ ਇੱਛੁਕ ਸੀ । ਮਹਿਜ਼ਬੀਨ ਅਜੇ 7 ਸਾਲ ਦੀ ਹੀ ਸੀ ,ਜਦੋਂ ਵਿਰਸੇ ਵਿੱਚੋਂ ਮਿਲੀ ਕਲਾ ਪ੍ਰਤਿਭਾ ਸਿਰ ਚੜ੍ਹ ਬੋਲ ਪਈ । ਪਰਕਾਸ਼ ਸਟੁਡੀਓ ਵਾਸਤੇ 1939 ਵਿੱਚ, ਵਿਜੇ ਭੱਟ ਦੁਆਰਾ ਨਿਰਦੇਸ਼ਤ ਫ਼ਿਲਮ “ਫ਼ਰਜੰਦ-ਇ-ਵਤਨ / ਲੈਦਰਫੇਸ” ਲਈ ਉਸ ਨੂੰ ਪਹਿਲੀ ਵਾਰ ਰੋਲ ਕਰਨ ਲਈ ਚੁਣਿਆਂ ਗਿਆ । ਕਈ ਫ਼ਿਲਮਾਂ ਕਰਨ ਮਗਰੋਂ 1941 ਨੂੰ ਫ਼ਿਲਮ “ਬਹਿਨ” ਵਿੱਚ ਬੇਬੀ ਮੀਨਾ ਦੇ ਨਾਅ ਨਾਲ ਪਾਤਰ ਬੀਨਾ ਦੀ ਭੂਮਿਕਾ ਨਿਭਾਈ । ਬੇਬੀ ਮੀਨਾ ਤੋਂ ਮੀਨਾਂ ਕੁਮਾਰੀ ਬਣੀ ਮਹਿਜ਼ਬੀਨ 1940 ਦੇ ਦਹਾਕੇ ਵਿੱਚ ਬਾਲ ਕਲਾਕਾਰਾ ਵਜੋਂ ਕੰਮ ਕਰਦਿਆਂ ਪਰਿਵਾਰ ਲਈ ਕਮਾਈ ਦਾ ਸਾਧਨ ਬਣ ਗਈ ।

                            1946 ਵਿੱਚ ਫ਼ਿਲਮ “ਬੱਚੋਂ ਕੇ ਲੀਏ”,ਬਹੁਤ ਚਰਚਾ ਵਿੱਚ ਰਹੀ । ਪਰ 1951 ਵਿੱਚ ਉਸਨੂੰ ਅਜਿਹੀ ਨਜ਼ਰ ਲੱਗੀ ਕਿ ਐਕਸੀਡੈਂਟ ਦੌਰਾਂਨ ਉਹਦੇ ਖੱਬੇ ਹੱਥ ਦੀ ਚੀਚੀ ਕੱਟੀ ਗਈ । ਉਸਦੀ ਸੇਵਾ ਸੰਭਾਲ ਉਸ ਤੋ 15 ਸਾਲ ਵੱਡੇ ਬਾਲ-ਬੱਚੇਦਾਰ ਫ਼ਿਲਮ ਡਾਇਰੈਕਟਰ ਕਮਾਲ ਅਮਰੋਹੀ ਨੇ ਕੀਤੀ । ਜੋ ਇਸ ਸਮੇ ਪਿਆਰ ਸਾਂਝ ਬਣੀ, ਉਹ 14 ਅਗਸਤ 1952 ਦੇ ਦਿਨ ਨਿਕਾਹ ਵਿੱਚ ਬਦਲ ਗਈ । ਅਬਰਾਰ ਅਲਵੀ ਦੀ ਨਿਰਦੇਸ਼ਨਾਂ ਤਹਿਤ ਰਹਿਮਾਨ ਨਾਲ ਛੋਟੀ ਬਹੂ ਵਜੋਂ “ਸਾਹਿਬ ਬੀਵੀ ਔਰ ਗੁਲਾਮ (1962)” ਵਿੱਚ ਆ ਕੇ ਉਸ ਨੇ ਤਹਿਲਕਾ ਮਚਾ ਦਿੱਤਾ । ਛੋਟੀ ਬਹੂ ਵੱਲੋਂ ਸਰਾਬ ਪੀਣ ਵਾਲੇ ਰੋਲ ਵਿੱਚ ਉਸ ਨੇ ਜਾਨ ਪਾ ਦਿੱਤੀ, ਕਿਓਂਕਿ ਉਹ ਖ਼ੁਦ ਵੀ  ਸ਼ਰਾਬ ਪੀਣ ਦੀ ਆਦੀ ਹੋ ਗਈ ਸੀ ।

                         ”1954 ਬੈਜੂ ਬਾਵਰਾ (ਗੌਰੀ)”ਵਿੱਚ ਫ਼ਿਲਮਫ਼ੇਅਰ ਐਵਾਰਡ ਸਰਵੋਤਮ ਅਭਿਨੇਤਰੀ ਵਜੋਂ  ਹਾਸਲ ਕਰਨ ਵਾਲੀ ਉਹ ਪਹਿਲੀ ਹੀਰੋਇਨ ਬਣੀ । ਇਸ ਤੋਂ ਬਿਨਾ ਉਸ ਨੂੰ ਫ਼ਿਲਮਫ਼ੇਅਰ ਸਰਵੋਤਮ ਅਭਿਨੇਤਰੀ ਦਾ ਐਵਾਰਡ,”1955 ਪਰਨਿਤਾ (ਲੋਲਿਤਾ)”,” 1963 ਸਾਹਿਬ ਬੀਵੀ ਔਰ ਗੁਲਾਮ (ਛੋਟੀ ਬਹੂ)”, ਅਤੇ “1966ਕਾਜਲ (ਮਾਧਵੀ)” ਲਈ ਵੀ ਮਿਲੇ । ਫ਼ਿਲਮਫ਼ੇਅਰ ਸਰਵੋਤਮ ਅਭਿਨੇਤਰੀ ਦਾ ਐਵਾਰਡ ਨੌਮੀਨੇਟਿਡ “1956 ਅਜ਼ਾਦ (ਸ਼ੋਭਾ)”,”1959 ਸਹਾਰਾ (ਲੀਲਾ)”,”1960 ਚਿਰਾਗ਼ ਕਹਾਂ ਰੌਸ਼ਨੀ ਕਹਾਂ (ਰਤਨਾ)”, “1963 ਆਰਤੀ (ਆਰਤੀ ਗੁਪਤਾ)” ,”1963 ਮੈ ਚੁੱਪ ਰਹੂੰਗੀ (ਗਾਇਤਰੀ)” ,”1964 ਦਿਲ ਏਕ ਮੰਦਰ (ਸੀਤਾ)”,”1967 ਫੂਲ ਔਰ ਪੱਥਰ (ਸ਼ਾਂਤੀ ਦੇਵੀ)”, ”1973 ਪਾਕੀਜ਼ਾ (ਨਰਗਿਸ/ਸਾਹਿਬਜਾਨ)” ਸ਼ਾਮਲ ਹਨ । ਇਸ ਤੋਂ ਇਲਾਵਾ ਬੀ ਐਫ਼ ਜੀ ਏ ਵੱਲੋਂ “1963 ਸਰਵੋਤਮ ਅਦਾਕਾਰਾ (ਹਿੰਦੀ) ਆਰਤੀ”,”1965 ਸਰਵੋਤਮ ਅਦਾਕਾਰਾ (ਹਿੰਦੀ) ਦਿਲ ਏਕ ਮੰਦਰ”,”ਸਪੈਸ਼ਲ ਐਵਾਰਡ ਪਾਕੀਜ਼ਾ:” ਵੀ ਮੀਨਾ ਕੁਮਾਰੀ ਦੇ ਹਿੱਸੇ ਰਹੇ ।

                 1939 ਤੋਂ 1972 ਤੱਕ ਲਗਾਤਾਰ 33 ਸਾਲਾਂ ਤੱਕ ਫਿਲਮੀ ਖ਼ੇਤਰ ਵਿੱਚ ਸਰਗਰਮ ਰਹਿਣ ਵਾਲੀ ਅਭਿਨੇਤਰੀ ਮੀਨਾ ਕੁਮਾਰੀ ਦਾ ਬਹੁਤੀ ਸ਼ਰਾਬ ਪੀਣ ਨਾਲ 1968 ਵਿੱਚ ਜਦ ਜਿਗਰ ਖ਼ਰਾਬ ਹੋ ਗਿਆ ਤਾਂ ਲੰਡਨ ਅਤੇ ਸਵਿਟਜ਼ਰਲੈਂਡ ਤੋਂ ਇਲਾਜ ਵੀ ਕਰਵਾਉਣਾ ਪਿਆ । ਵਾਪਸੀ ‘ਤੇ ਮੀਨਾ ਕੁਮਾਰੀ ਨੇ ਸ਼ਰਾਬ ਪੀਣ ਤੋਂ ਨਰਾਜ਼ ਭੈਣ ਮਧੂ ਨਾਲ ਸਮਝੌਤਾ ਕਰਦਿਆਂ “ਜਵਾਬ (1970)”, “ਮੇਰੇ ਆਪਣੇ (1971)” ਅਤੇ “ਦੁਸ਼ਮਣ (1972)”ਫ਼ਿਲਮਾਂ ਵਿੱਚ ਚਰਿੱਤਰ ਭੂਮਿਕਾਵਾਂ ਨਿਭਾਈਆਂ ।

                         ਮੀਨਾਂ ਕੁਮਾਰੀ ਦੀ ਬੱਚਾ ਪੈਦਾ ਕਰਨ ਵਾਲੀ ਇੱਛਾ ਅਤੇ ਕਮਾਲ ਅਮਰੋਹੀ ਦੀ ਮੀਨਾ ਦੇ ਸਯਦ ਹੋਣ ਦੀ ਵਜ੍ਹਾ ਕਰਕੇ ਆਨਾਕਾਨੀ ,ਦੋਹਾਂ ਦੇ ਟਕਰਾਅ ਦਾ ਕਾਰਣ ਬਣ ਗਈ । ਉਹ 1960 ਤੋਂ ਵੱਖ ਵੱਖ ਰਹਿਣ ਲੱਗੇ । ਮਾਰਚ 1964 ਵਿੱਚ ਤਲਾਕ ਹੋ ਗਿਆ । ਉਹਨੇ ਖ਼ਯਾਮ ਦੀ ਅਗਵਾਈ ਵਿੱਚ ਗਾਇਆ ਵੀ । ਪਰ ਉਹ ਬਹੁਤ ਪੀਂਦੀ,ਰੋਂਦੀ ਅਤੇ ਲਿਖਦੀ ਰਹੀ;-

“ਦਿਲ ਸ਼ਾਦ ਜਬ ਸਾਥੀ ਪਾਇਆ,ਬੇ ਚੈਨੀ ਭੀ ਵੋਹ ਸਾਥ ਆਇਆ ।“(ਨਿਕਾਹ ਸਮੇ)

“ਤੁਮ ਕਿਆ ਕਰੋਗੇ ਸੁਨਕਰ ਮੁਝਸੇ ਮੇਰੀ ਕਹਾਣੀ,ਬੇ-ਲੁਤਫ਼ ਜ਼ਿੰਦਗੀ ਕੇ ਕਿੱਸੇ ਹੈਂ ਫੀਕੇ ਫੀਕੇ ।“

“ਤਲਾਕ ਤੋ ਦੇ ਰਹੇ ਹੋ ਨਜ਼ਰ-ਇ-ਕਹਿਰ ਕੇ ਸਾਥ,ਜਵਾਨੀ ਭੀ ਮੇਰੀ ਲੁਟਾ ਦੋ ਮਿਹਰ ਕੇ ਸਾਥ ।“

               ਮੀਨਾ ਕੁਮਾਰੀ ਦੀ ਜ਼ਿੰਦਗੀ ਦੇ ਨੇੜਲੀ ਫ਼ਿਲਮ ਪਾਕੀਜ਼ਾ ਜਿਸ ਨੂੰ ਸ਼ਿਮਲੇ ਠਹਿਰਦਿਆਂ ਭੁੱਟੋ ਪਰਿਵਾਰ ਨੇ ਵੇਖਿਆ ਸੀ,1956 ਵਿੱਚ ਮੀਨਾਂ ਕੁਮਾਰੀ ਅਤੇ ਕਮਾਲ ਅਮਰੋਹੀ ਨੇ ਇਸ ਬਾਰੇ ਵਿਚਾਰ ਸਾਂਝੇ ਕੀਤੇ ਸਨ । ਪਰ ਉਹ ਮੀਨਾ ਦੀ ਸਿਹਤ ਖ਼ਰਾਬੀ ਅਤੇ ਕਮਾਲ ਅਮਰੋਹੀ ਨਾਲ ਵਿਗੜੇ ਸਬੰਧਾਂ ਸਦਕਾ 16 ਸਾਲਾਂ ਵਿੱਚ ਸੁਨੀਲ ਦੱਤ ਅਤੇ ਨਰਗਿਸ ਦੱਤ ਦੇ ਯਤਨ ਨਾਲ ਸਿਰੇ ਚੜ੍ਹੀ । ਥਕਾਵਟ,ਕਮਜ਼ੋਰੀ,ਅੰਦਰੂਨੀ ਤੜਫ਼ ਦੇ ਚਲਦਿਆਂ ਮੀਨਾ ਨੇ ਬੋਲ ਪੁਗਾਏ ਅਤੇ ਇਹ ਫ਼ਿਲਮ ਬਲੈਕ ਐਂਡ ਵਾਈਟ ਤੋਂ ਰੰਗੀਨ ਬਣਕੇ ਮੀਲ ਪੱਥਰ ਸਾਬਤ ਹੋਈ । ਜਦ 1972 ਵਿੱਚ ਇਸ ਫ਼ਿਲਮ ਨੂੰ ਰਿਲੀਜ਼ ਹੋਿਆਂ ਤਿੰਨ ਹਫ਼ਤੇ ਹੀ ਹੋਏ ਸਨ

                        ਤਾਂ ਸਿਰਫ਼ 40 ਵਰ੍ਹਿਆਂ ਦੀ ਅਦਾਕਾਰਾ ਮੀਨਾ ਕੁਮਾਰੀ 31  ਮਾਰਚ 1972 ਨੂੰ ਅੱਲਾ ਕੋਲ ਜਾ ਵਸੀ । ਉਹ ਸਿਰਫ਼ ਪਰਦੇ ਦੀ ਹੀ ਨਹੀਂ ਸਗੋਂ ਘਰੇਲੂ ਜ਼ਿੰਦਗੀ ਦੀ ਵੀ ਟ੍ਰੈਜਡੀ ਕੁਇਨ ਬਣੀ ਰਹੀ । ਏਥੋਂ ਤੱਕ ਕਿ ਉਹਦੀ ਮ੍ਰਿਤਕ ਦੇਹ ਨੂੰ ਘਰ ਲਿਜਾਣ ਦੀ ਬਜਾਇ ਹਸਪਤਾਲ ਵਿੱਚੋਂ ਸਿੱਧਾ ਹੀ ਨਾਰੀਅਲਵਾਦੀ ਮਜ਼ਗਾਂਓਂ ਮੁੰਬਈ ਦੇ ਰਹਿਮਤਾਬਾਦ ਕਬਰਸਤਾਨ ਵਿੱਚ ਲਿਜਾ ਕੇ ਸਪੁਰਦ-ਇ-ਖ਼ਾਕ ਕਰ ਦਿੱਤਾ ਗਿਆ । ਉਸਦੇ ਅੰਤ ਸਮੇ ਵੀ ਉਹਦੇ ਜਨਮ ਸਮੇ ਵਾਲੇ ਹਾਲਾਤ ਬਰਕਰਾਰ ਸਨ । ਉਦੋਂ ਵੀ ਕੁੱਝ ਕੁ ਘੰਟਿਆਂ ਦੀ ਮਹਿਜ਼ਬੀਨ ਨੂੰ ਪਤਾ ਨਹੀਂ ਸੀ ਕਿ ਡਾਕਟਰ ਦਾ ਭੁਗਤਾਨ ਨਾ ਹੋਣ ਦੀ ਵਜ੍ਹਾ ਕਰਕੇ ਉਸ ਦੇ ਵਾਲਦੈਨ ਉਸ ਨੂੰ ਅਨਾਥ ਆਸ਼ਰਮ ਛੱਡ ਆਏ ਹਨ ।“ ਏਵੇਂ ਹੀ ਮ੍ਰਿਤਕ ਪਈ ਮੀਨਾ ਨੂੰ ਹੁਣ ਵੀ ਇਹ ਪਤਾ ਨਹੀਂ ਸੀ ਕਿ “ਹਸਪਤਾਲ ਦੇ ਭੁਗਤਾਨ ਤੋਂ ਦੂਜੇ ਕਿਵੇ ਖਿਸਕ ਰਹੇ ਹਨ। ਮੀਨਾ ਕੁਮਾਰੀ ਦੀ ਸਿਨੇ-ਜਗਤ ਲਈ ਲਾਸਾਨੀ ਦੇਣ ਨੂੰ ਕਦੇ ਨਾ ਭੁਲਾਇਆ ਜਾ ਸਕਣ ਵਾਲੇ ਅਹਿਸੂਸਾਂ ਦਾ ਪੌਦਾ ਉਗ ਖਲੋਂਦਾ ਹੈ । ਫਿਰ ਅਜਿਹਾ ਅਹਿਸਾਸ, ਸਾਹਾਂ ਵਿੱਚ ਆ ਰਲਦਾ ਹੈ ਕਿਓਂਕਿ

“ਜਾਨੇ ਵਾਲੇ ਕਭੀ ਨਹੀਂ ਆਤੇ

ਜਾਨੇ ਵਾਲੋਂ ਕੀ ਯਾਦ ਆਤੀ ਹੈ ।“    

ਰਣਜੀਤ ਸਿੰਘ ਪ੍ਰੀਤ

ਭਗਤਾ-151206 (ਬਠਿੰਡਾ)

ਮੁਬਾਇਲ ਸੰਪਰਕ: 98157-07232

e-mail;- ranjitpreet@ymail.com

Link;-- www.rpreet.blogspot.com

Link;-- www.ranjitpreet.blogspot.com

Link;-- www.rspreet.blogspot.com

https://sites.google.com/site/sanjhapirr/

www.ranjitsinghpreet.com

R.Dravid.ਦ੍ਰਾਵਿਡ ਨੇ ਕੌਮਾਂਤਰੀ ਕ੍ਰਿਕਟ ਤੋਂ ਲਿਆ ਸੰਨਿਆਸ

        ਦ੍ਰਾਵਿਡ ਨੇ ਕੌਮਾਂਤਰੀ ਕ੍ਰਿਕਟ ਤੋਂ ਲਿਆ ਸੰਨਿਆਸ

                                                           ਰਣਜੀਤ ਸਿੰਘ ਪ੍ਰੀਤ

          ਭਾਰਤ ਦੇ ਇਸ ਪ੍ਰਸਿੱਧ ਕ੍ਰਿਕਟ ਖਿਡਾਰੀ ਨੇ ਕੋਮਾਂਤਰੀ ਅਤੇ ਘਰੇਲੂ ਪਹਿਲੀ ਸ਼੍ਰੇਣੀ ਦੇ ਮੈਚਾਂ ਤੋ ਸਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ । ਇਸ ਸਮੇ ਭਾਰਤੀ ਟੀਮ ਵਿੱਚ ਖੇਡ ਰਹੇ ਤਿੰਨ ਸੀਨੀਅਰ ਖਿਡਾਰੀਆਂ ਵਿੱਚੋਂ ਉਹ ਇੱਕ ਹਨ । ਇਸ 39 ਸਾਲ 59 ਦਿਨਾਂ ਦੇ ਸੱਜੇ ਹੱਥ ਦੇ ਬੱਲੇਬਾਜ਼ ਅਤੇ ਸੱਜੀ ਬਾਂਹ ਦੇ ਆਫ਼ ਸਪਿਨਰ,ਵਿਕਟ ਕੀਪਰ  ਦਾ ਜਨਮ 11 ਜਨਵਰੀ 1973 ਨੂੰ ਇਦੌਰ (ਮੱਧ ਪ੍ਰਦੇਸ਼)ਵਿੱਚ ਹੋਇਆ । ਜਿਸ ਦਾ ਪੂਰਾ ਅਤੇ ਮੁਢਲਾ ਨਾਅ ਰਾਹੁਲ ਸ਼ਰਦ ਦ੍ਰਾਵਿਡ ਹੈ । ਪਿਆਰਾ ਨਾਅ ਜਿੰਮੀ । ਨਾਗਪੁਰ ਦੀ ਡਾਕਟਰ ਵਿਜੇਤਾ ਪਾਂਧੇਰਕਰ ਨਾਲ 4 ਮਈ 2003 ਨੂੰ ਜੀਵਨ ਸਾਥ ਬਣਿਆਂ ਅਤੇ ਆਪ ਦੇ ਘਰ 11 ਅਕਤੂਬਰ 2005 ਸਮਿਤ ਦ੍ਰਾਵਿਡ ਦਾ ਅਤੇ 26 ਅਪ੍ਰੈਲ 2009 ਵਿੱਚ ਐਨਵੇ ਦ੍ਰਾਵਿਡ ਦਾ ਜਨਮ ਹੋਇਆ ।

                 ਇਸ 5 ਫੁੱਟ 11ਇੰਚ ਦੇ ਖਿਡਾਰੀ ਨੇ ਆਪਣਾ ਪਹਿਲਾ ਟੈਸਟ ਮੈਚ 20 ਜੂਨ 1996 ਨੂੰ ਇੰਗਲੈਂਡ ਵਿਰੁੱਧ ਅਤੇ ਆਖ਼ਰੀ ਟੈਸਟ ਮੈਚ 24 ਜਨਵਰੀ 2012 ਨੂੰ ਆਸਟਰੇਲੀਆ ਖ਼ਿਲਾਫ਼ ਖੇਡਿਆ । ਪਹਿਲਾ ਇੱਕ ਦਿਨਾਂ ਮੈਚ 19ਨੰਬਰੀ ਸ਼ਰਟ ਵਾਲੇ ਇਸ ਖਿਡਾਰੀ ਨੇ 3 ਅਪ੍ਰੈਲ 1996 ਨੂੰ ਸ਼੍ਰੀਲੰਕਾ ਨਾਲ ,ਅਤੇ ਆਖ਼ਰੀ ਮੈਚ 16 ਸਤੰਬਰ 2011 ਨੂੰ ਇੰਗਲੈਡ ਵਿਰੁੱਧ ਖੇਡਿਆ । ਇੱਕੋ ਇੱਕ ਟੀ-20 ਮੈਚ 31 ਅਗਸਤ 2011 ਨੂੰ ਇੰਗਲੈਂਡ ਖ਼ਿਲਾਫ਼ ਖੇਡਿਆ । ਸਨ 1990 ਤੋਂ ਹੁਣ ਤੱਕ ਕਰਨਾਟਕ ਵੱਲੋਂ,2003 ਵਿੱਚ ਸਕਾਟਲੈਂਡ ਵੱਲੋਂ,2000 ਵਿੱਚ ਕੈਂਟ ਵੱਲੋਂ 2008-2010 ਵਿੱਚ ਰਾਇਲ ਚੈਲੇਂਜ ਬੰਗਲੌਰ ਵੱਲੋਂ,2011ਤੋਂ ਹੁਣ ਤੱਕ ਰਾਜਸਥਾਨ ਰਾਇਲਜ਼ ਵੱਲੋਂ ਖੇਡਣ ਵਾਲੇ ਰਾਹੁਲ ਦ੍ਰਾਵਿਡ ਨੇ ਕੁੱਲ ਖੇਡੇ 164ਟੈਸਟ ਮੈਚਾਂ ਵਿੱਚ 13288 ਰਨ 52.31 ਦੀ ਔਸਤ ਨਾਲ,ਜਿਨਾਂ ਵਿੱਚ ਉੱਚ ਸਕੋਰ 270,ਸੈਂਕੜੇ 36 ਅਤੇ ਅਰਧ ਸੈਂਕੜੇ 63 ਸ਼ਾਮਲ ਹਨ ।ਸਿਰਫ਼ ਇੱਕ ਵਿਕਟ 120 ਗੇਂਦਾਂ ਕਰਦਿਆਂ 39.00 ਦੀ ਔਸਤ ਨਾਲ, ਵਧੀਆਂ ਪ੍ਰਦਰਸ਼ਨ 1/18 ਰਖਦਿਆਂ 210 ਕੈਚ ਵੀ ਲਏ ਹਨ । ਇੱਕ ਦਿਨਾਂ ਮੈਚਾਂ ਦੀ ਗਿਣਤੀ 344 ਹੈ,ਇਹਨਾਂ ਵਿੱਚ 39.16 ਦੀ ਔਸਤ ਨਾਲ,12 ਸੈਕੜਿਆ,83 ਅਰਧ ਸੈਂਕੜਿਆ,ਉੱਚ ਸਕੋਰ 153 ਨਾਲ ਕੁੱਲ 10889 ਰਨ ਬਣਾਏ ਹਨ । ਕੁੱਲ 186 ਗੇਦਾਂ ਸੁਟਦਿਆਂ 42.50 ਦੀ ਔਸਤ ਨਾਲ 4 ਵਿਕਟਾਂ ਲਈਆਂ ਹਨ । ਚੰਗਾ ਪ੍ਰਦਰਸ਼ਨ 2/43 ਹੈ,ਜਦੋਂ ਕਿ 196 ਕੈਚ ਲਏ ਹਨ ਅਤੇ 14 ਖਿਡਾਰੀਆਂ ਨੂੰ ਸਟੰਪ ਆਉਟ ਕੀਤਾ ਹੈ।ਪਹਿਲੀ ਸ਼੍ਰੇਣੀ ਦੇ 298 ਮੈਚਾਂ ਵਿੱਚ 55.33 ਦੀ ਔਸਤ ਰਖਦਿਆਂ ,ਉੱਚ ਸਕੋਰ 270,ਸ਼ਤਕ 68, ਨੀਮ ਸੈਂਕੜੇ 117 ਦੀ ਮਦਦ ਨਾਲ ਕੁੱਲ 23794 ਦੌੜਾਂ ਬਣਾਈਆਂ ਹਨ । ਜਿੱਥੇ 353 ਕੈਚ ਅਤੇ ਇੱਕ ਸਟੰਪ ਆਊਟ ਨਾਲ,617 ਗੇਂਦਾਂ ਕਰਦਿਆਂ ਔਸਤ 54.60 ਰਖਦਿਆਂ 5 ਵਿਕਟਾਂ ਲਈਆਂ ਹਨ । ਵਧੀਆ ਪ੍ਰਦਰਸ਼ਨ 2/16 ਰਿਹਾ ਹੈ। ਏ ਸੂਚੀ ਦੇ 449ਮੈਚਾਂ ਵਿੱਚ 21 ਸੈਂਚੁਰੀ,112 ਹਾਫ਼ ਸੈਂਚੁਰੀ,ਉੱਚ ਸਕੋਰ 153,ਨਾਲ 42.30 ਦੀ ਔਸਤ ਰਖ ਕੇ ਕੁੱਲ 15271 ਰਨ ਬਣਾਏ ਹਨ । ਗੇਂਦਬਾਜ਼ ਵਜੋਂ 477 ਗੇਂਦਾਂ ਕਰਦਿਆਂ 105.25 ਦੀ ਔਸਤ ਨਾਲ 4 ਵਿਕਟਾਂ ਉਖੇੜੀਆਂ ਹਨ।ਯਾਦਗਾਰੀ 2/43 ਵਾਲੀ ਰਹੀ ਹੈ।ਕੁੱਲ 233 ਕੈਚ ਅਤੇ 17 ਖਿਡਾਰੀਆਂ ਨੂੰ ਸਟੰਪ ਆਉਟ ਵੀ ਕੀਤਾ ਹੈ । 

ਜਨਵਰੀ 2004 ਵਿੱਚ ਜ਼ਿਬਾਬਵੇ ਵਿਰੁੱਧ ਇੱਕ ਦਿਨਾਂ ਮੈਚ ਸਮੇ ਗੇਂਦ ਨਾਲ ਛੇੜ-ਛਾੜ ਕਰਨ ਕਰਕੇ ਵੀ ਦ੍ਰਾਵਿਡ ਵਿਵਾਦ ਵਿੱਚ ਰਿਹਾ । ਏਵੇ ਹੀ ਮਾਰਚ 2004 ਨੂੰ ਸੌਰਵ ਗਾਂਗੁਲੀ ਦੀ ਥਾਂ ਕਪਤਾਨੀ ਕਰਦਿਆਂ ਪਾਰੀ ਸਮਾਪਤ ਕਰਨ ਦਾ ਐਲਾਨ ਵੀ ਵਿਵਾਦ ਵਿੱਚ ਰਿਹਾ । ਕਿਓਂਕਿ ਸਚਿਨ ਤੇਂਦੂਲਕਰ 194 ਦੌੜਾਂ ਬਣਾਕੇ ਖੇਡ ਰਿਹਾ ਸੀ ।ਦੂਹਰੇ ਸੈਂਕੜੇ ਲਈ ਉਹਨੂੰ ਸਿਰਫ਼ 6 ਰਨ ਹੀ ਚਾਹੀਦੇ ਸਨ ਅਤੇ ਮੈਚ ਅਜੇ 16 ਓਵਰਾਂ ਦਾ ਬਾਕੀ ਸੀ । ਰਾਹੁਲ ਨੇ 2003-2007 ਤੱਕ 25 ਟੈਸਟ ਮੈਚਾਂ ਦੀ ਕਪਤਾਨੀ ਕੀਤੀ । ਜਿੰਨ੍ਹਾਂ ਵਿੱਚੋਂ 8 ਜਿੱਤੇ,6 ਹਾਰੇ,ਅਤੇ 11 ਬਰਾਬਰ ਰਹੇ । ਇੱਕ ਦਿਨਾਂ ਮੈਚਾਂ ਦਾ ਇਹ ਗਣਿਤ 79 ਖੇਡੇ,42 ਜਿੱਤੇ,33 ਹਾਰੇ,ਅਤੇ 4 ਬੇ-ਨਤੀਜਾ ਰਹੇ।

                         ਰਾਹੁਲ ਦ੍ਰਾਵਿੜ ਅਜਿਹਾ ਪਹਿਲਾ ਭਾਰਤੀ ਕ੍ਰਿਕਟਰ ਹੈ ਜਿਸ ਨੇ ਹਰੇਕ ਕ੍ਰਿਕਟ ਖੇਡਦੇ ਮੁਲਕ ਵਿਰੁੱਧ ਸੈਕੜਾ ਬਣਾਇਆ ਹੈ। ਇਸ ਖਿਡਾਰੀ ਦਾ ਇਹ ਵੀ ਰਿਕਾਰਡ ਹੈ ਕਿ ਇਸ ਨੇ ਜਦ ਉੱਚ ਸਕੋਰ 270 ਰਨ ਬਣਾਏ ਤਾਂ ਮਿੰਟਾਂ ਦੇ ਮੀਟਰ ਅਨੁਸਾਰ ਸੱਭ ਤੋਂ ਲੰਬਾ ਸਮਾਂ ਕਰੀਜ਼ ‘ਤੇ ਬਿਤਾਇਆ ।ਟੈਸਟ ਮੈਚਾਂ ਵਿੱਚ ਸੱਭ ਤੋਂ ਵੱਧ ਕੈਚ ਲੈਣ ਦਾ ਰਿਕਾਰਡ ਹੈ। ਰਾਹੁਲ 120 ਇੱਕ ਦਿਨਾਂ ਮੈਚਾਂ ਵਿੱਚ ਜ਼ੀਰੋ ਉੱਤੇ ਆਊਟ ਨਹੀਂ ਹੋਇਆ। ਇਹ ਰਿਕਾਰਡ ਵੀ ਉਹਦੇ ਨਾਂਅ ਦਰਜ ਹੈ । ਹੁਣ ਦ੍ਰਾਵਿਡ ਉਭਰਦੇ ਖਿਡਾਰੀਆਂ ਲਈ ਵਰਦਾਨ ਬਣਨ ਦਾ ਯਤਨ ਜ਼ਰੂਰ ਕਰੇਗਾ । ਉਹਦਾ ਅਜਿਹਾ ਕਦਮ ਬਹੁਤ ਸਲਾਹੀਅਤ ਭਰਿਆ ਵੀ ਹੋਵੇਗਾ। ਜਿਸ ਦਾ ਸਤਿਕਾਰ ਵੀ ਹੋਵੇਗਾ ਅਤੇ ਬੇ-ਹੱਦ ਆਦਰ ਵੀ ।

ਰਣਜੀਤ ਸਿੰਘ ਪ੍ਰੀਤ

ਭਗਤਾ-151206 (ਬਠਿੰਡਾ)

ਮੁਬਾਇਲ ਸੰਪਰਕ; 98157-07232

ਆਸਟਰੇਲੀਆ ਨੇ ਕ੍ਰਿਕਟ ਦੀ ਬਾਦਸ਼ਾਹਤ ਖੁੱਸਣ ਨਾ ਦਿੱਤੀ

     ਆਸਟਰੇਲੀਆ ਨੇ ਕ੍ਰਿਕਟ ਦੀ ਬਾਦਸ਼ਾਹਤ ਖੁੱਸਣ ਨਾ ਦਿੱਤੀ

                                          ਰਣਜੀਤ ਸਿੰਘ ਪ੍ਰੀਤ

                          ਨਵੰਬਰ 1979 ਤੋਂ ਹੁਣ ਤੱਕ ਆਸਟਰੇਲੀਆ ਦੀ ਮੇਜ਼ਬਾਨੀ ਅਧੀਨ ਹੀ ਦਸੰਬਰ ਤੋਂ ਫਰਵਰੀ ਮਹੀਨਿਆਂ ਤੱਕ 50 ਓਵਰਾਂ ਤਹਿਤ ਹੁੰਦੀ ਆ ਰਹੀ, ਸੀ ਬੀ ਸੀਰੀਜ਼ (ਕਾਮਨਵੈਲਥ ਬੈਂਕ ਸੀਰੀਜ਼) ਜਿਸ ਨੂੰ ਤਿਕੋਨੀ ਕ੍ਰਿਕਟ ਲੜੀ ਵੀ ਕਹਿੰਦੇ ਹਨ । ਸਪੌਂਸਰਸ਼ਿੱਪ ਬਦਲਣ ਦੇ ਨਾਲ ਨਾਲ ਹੀ ਬੈਨਸਨ ਐਂਡ ਹੈਜ਼ਿਸ ਵਿਸ਼ਵ ਸੀਰੀਜ਼ ਕੱਪ’ ਬੈਨਸਨ ਐਂਡ ਹੈਜ਼ਿਸ ਵਿਸ਼ਵ ਸੀਰੀਜ਼’ ਕਾਰਲਟਨ ਐਂਡ ਯੁਨਾਈਟਿਡ ਲੜੀ,’ ਕਾਰਲਟਨ ਸੀਰੀਜ਼’ ਵਿਕਟੋਰੀਆ ਬਿੱਟਰ’ ਅਤੇ ਹੁਣ ਜਿਸ ਦਾ ਨਾਅ ਸੀ ਬੀ ਸੀਰੀਜ਼ ਹੈ । ਪਹਿਲਾਂ ਜੇਤੂ ਲਈ ਦੋ ਅੰਕ ਸਨ । ਹੁਣ ਚਾਰ ਅੰਕ ਅਤੇ ਬੋਨਸ ਅੰਕ ਚਾਲੂ ਹੈ । ਰਾਊਂਡ ਰਾਬਿਨ ਅਧਾਰ ਤੇ 12 ਮੈਚ ਅਤੇ ਫਿਰ ਫਾਈਨਲ ਜੇਤੂ ਦਾ ਫੈਸਲਾ ਬੈਸਟ ਆਫ਼ ਥਿਰੀ ਨਾਲ ਹੁੰਦਾ ਹੈ । ਪਹਿਲੇ ਮੁਕਾਬਲੇ ਦੇ ਫਾਈਨਲ ਵਿੱਚ 20 ਅਤੇ 22 ਜਨਵਰੀ 1980 ਨੂੰ  ਮੈਲਬੌਰਨ ਅਤੇ ਸਿਡਨੀ ਵਿਖੇ ਵੈਸਟ ਇੰਡੀਜ਼ ਨੇ ਇੰਗਲੈਂਡ ਨੂੰ 2 ਦੌੜਾਂ ਅਤੇ 8 ਵਿਕਟਾਂ  ਨਾਲ ਦੂਧੀਆ ਰੌਸ਼ਨੀ ਵਿੱਚ ਹਰਾਕੇ ਪਹਿਲੇ ਖ਼ਿਤਾਬ ‘ਤੇ ਕਬਜ਼ਾ ਕੀਤਾ ਸੀ । ਭਾਰਤ ਨੇ ਸਿਰਫ਼ ਇੱਕ ਵਾਰ 3 ਫਰਵਰੀ ਤੋਂ 4 ਮਾਰਚ 2008 ਤੱਕ ਹੋਇਆ ਪਿਛਲਾ ਮੁਕਾਬਲਾ ਹੀ ਆਸਟਰੇਲੀਆ ਨੂੰ ਸਿਡਨੀ ਅਤੇ ਬਰਿਸਬਨ ਵਿੱਚ 2 ਅਤੇ 4 ਮਾਰਚ (ਦਿਨ/ਰਾਤ)ਨੂੰ ਹੋਏ ਫਾਈਨਲ ਵਿੱਚ 6 ਵਿਕਟਾਂ ਅਤੇ 9 ਦੌੜਾਂ ਨਾਲ ਮਾਤ ਦੇ ਕੇ ਜਿਤਿਆ ਹੈ ।             

                               ਇਸ ਵਾਰੀ ਦੇ ਆਸਟਰੇਲੀਆ ਟੂਰ ਅਤੇ ਸੀ ਬੀ ਸੀਰੀਜ਼ ਵਿੱਚ ਭਾਰਤੀ ਟੀਮ ਚਾਰੋਂ ਖਾਨੇ ਚਿੱਤ ਹੋਈ ਹੈ । ਜਿਸ ਨੇ ਚਾਰ ਦੇ ਚਾਰ ਟੈਸਟ ਮੈਚ ਹਾਰਦਿਆਂ ਪਹਿਲੀ ਫਰਵਰੀ ਵਾਲਾ ਟੀ-20 ਵੀ ਹਾਰਿਆ । ਪਰ 3 ਫਰਵਰੀ ਵਾਲਾ ਟੀ-20 ਅੱਠ ਵਿਕਟਾਂ ਨਾਲ ਜਿਤਿਆ । ਇਸ ਤੋ ਪਹਿਲਾਂ ਇੰਗਲੈਡ ਵਿੱਚ ਵੀ ਬੁਰੀ ਤਰ੍ਹਾਂ ਹਾਰ ਚੁੱਕੀ ਟੀਮ ਸੀ ਬੀ ਸੀਰੀਜ਼ ਦੇ ਤੀਹਵੇਂ ਮੁਕਾਬਲੇ ਦਾ ਪਹਿਲਾ ਮੈਚ ਵੀ 5 ਫਰਵਰੀ 2012 ਨੂੰ ਮੈਲਬੌਰਨ ਵਿੱਚ ਆਸਟਰੇਲੀਆ ਵਿਰੁੱਧ ਡੱਕ ਲੂਈਸ ਨਿਯਮ ਤਹਿਤ 65 ਦੌੜਾਂ ਨਾਲ ਹਾਰ ਗਈ । ਭਾਰਤ ਨੇ ਇਸ ਸੀਰੀਜ਼ ਤਹਿਤ 8 ਮੈਚ ਖੇਡੇ 3 ਜਿੱਤੇ,4 ਹਾਰੇ,ਇੱਕ ਮੈਚ ਸ਼੍ਰੀ ਲੰਕਾ ਨਾਲ ਟਾਈਡ ਰਿਹਾ ,ਇੱਕ ਬੋਨਸ ਅੰਕ ਨਾਲ 15 ਅੰਕ ਲਏ । ਕੁੱਲ 1793 ਰਨ ਬਣਾਏ ਅਤੇ ਭਾਰਤ ਸਿਰ 2103 ਸਕੋਰ ਹੋਇਆ । ਜਦੋਂ ਕਿ ਆਸਟਰੇਲੀਆ ਨੇ 8 ਮੈਚਾਂ ਵਿੱਚੋਂ 4 ਜਿੱਤੇ 4 ਹਾਰੇ 3 ਬੋਨਸ ਅੰਕਾਂ ਨਾਲ 19 ਅੰਕ ਲੈ ਕੇ ਦੂਜਾ ਸਥਾਨ ਲਿਆ । ਉਸ ਨੇ 1916 ਰਨ ਬਣਾਏ ਅਤੇ ਉਸ ਸਿਰ 1663 ਰਨ ਬਣੇ । ਪਰ ਸ਼੍ਰੀਲੰਕਾ ਨੇ 4 ਮੈਚ ਜਿੱਤੇ,3 ਹਾਰੇ ਇੱਕ ਟਾਈ ਰਖਦਿਆਂ ਵਧੀਆ ਰਨ ਰੇਟ ਨਾਲ 19 ਅੰਕ ਲੈ ਕੇ ਪਹਿਲਾ ਸਥਾਨ ਲਿਆ । ਇਸ ਨੇ 1977 ਰਨ ਬਣਾਏ ਅਤੇ ਇਸ ਸਿਰ 1920 ਰਨ ਹੀ ਬਣੇ । ਆਸਟਰੇਲੀਆ ਨੇ ਪਹਿਲਾ ਅਤੇ ਤੀਜਾ ਫਾਈਨਲ 4 ਮਾਰਚ ਬਰਿਸਬਨ ਅਤੇ 8 ਮਾਰਚ ਐਡੀਲੇਡ (ਦਿਨ /ਰਾਤ) ਦੇ ਮੈਚਾਂ ਵਿੱਚ 15 ਅਤੇ 16 ਰਨਜ਼ ਨਾਲ ਜਿੱਤਦਿਆਂ 19 ਵੀਂ ਵਾਰੀ ਖ਼ਿਤਾਬ ਹਾਸਲ ਕੀਤਾ । ਭਾਵੇ ਸ਼੍ਰੀ ਲੰਕਾ ਨੇ 6 ਮਾਰਚ ਵਾਲਾ ਦੂਜਾ ਫਾਈਨਲ 8 ਵਿਕਟਾਂ ਨਾਲ ਜਿੱਤ ਕੇ ਦਿਲਚਸਪੀ ਬਣਾਈ ਰੱਖੀ । ਵਿਸ਼ੇਸ਼ ਗੱਲ ਇਹ ਵੀ ਰਹੀ ਕਿ ਸੀਰੀਜ਼ ਦਾ ਉੱਚ ਸਕੋਰ 163(157) ਰਨ ਆਸਟਰੇਲੀਆ ਦੇ ਡੇਵਿਡ ਵਾਰਨਰ ਦਾ ਸ਼੍ਰੀਲੰਕਾ ਵਿਰੁੱਧ ਪਹਿਲੇ ਫਾਈਨਲ ਵਿੱਚ ਰਿਹਾ। ਦੂਜੇ ਫਾਈਨਲ ਵਿੱਚ ਆਸਟਰੇਲੀਆ ਦੇ ਮਾਈਕਲ ਕਲਾਰਕ ਨੇ 117(91) ਰਨ ਅਤੇ ਦਿਲਸ਼ਾਨ ਨੇ 106(119) ਰਨ ਬਣਾਏ । ਕੁੱਲ ਬਣੇ 6 ਸੈਂਕੜਿਆਂ ਵਿੱਚੋ ਅੱਧੇ ਫਾਈਨਲ ਵਿੱਚ ਹੀ ਬਣੇ । ਪਹਿਲੇ 9 ਮੈਚਾਂ ਵਿੱਚ ਕੋਈ ਸੈਂਕੜਾ ਨਹੀਂ ਸੀ ਬਣ ਸਕਿਆ । ਭਾਰਤ ਦੇ ਵਿਰਾਟ ਕੋਹਲੀ ਨੇ ਸ਼੍ਰੀਲੰਕਾ ਵਿਰੁੱਧ 133(86) ਰਨ ਬਣਾਏ । ਏਸੇ ਮੈਚ ਵਿੱਚ ਤਿਲਕਰਤਨੇ ਦਿਲਸ਼ਾਨ ਨੇ 160(165) ਰਨ ਨਾਟ ਆਊਟ ਸਕੋਰ ਕੀਤਾ । ਆਸਟਰੇਲੀਆ ਦੇ ਪੀਟਰ ਫੌਰਿਸਟ ਨੇ 104(138) ਰਨ ਟੀਮ ਲਈ ਜੋੜੇ ।

                            ਕੁੱਝ ਹੋਰ ਦਿਲਚਸਪ ਰਿਕਾਰਡ ਵੀ ਬਣੇ । ਪਰ ਸੀ ਬੀ ਸੀਰੀਜ਼ ਦਾ ਕੋਈ ਵੀ ਇਤਿਹਾਸਕ ਰਿਕਾਰਡ ਨਹੀਂ ਟੁੱਟ ਸਕਿਆ । ਇਸ ਵਾਰੀ ਸਭ ਤੋਂ ਵੱਧ 2 ਸੈਂਕੜਿਆਂ ਦੀ ਮਦਦ ਨਾਲ ਦਿਲਸ਼ਾਨ ਨੇ 513 ਰਨ ਬਣਾਏ ਅਤੇ ਸਭ ਤੋਂ ਵੱਧ 18 ਵਿਕਟਾਂ ਸ਼੍ਰੀਲੰਕਾ ਦੇ ਹੀ ਮਲਿੰਗਾ ਨੇ ਲਈਆਂ । ਟੀਮ ਉੱਚ ਸਕੋਰ 321/3 (36.4) ਭਾਰਤ ਦਾ ਸ਼੍ਰੀ ਲੰਕਾ ਵਿਰੁੱਧ ਹੌਬਰਟ ਵਿੱਚ ਰਿਹਾ । ਆਸਟਰੇਲੀਆ ਨੇ ਭਾਰਤ ਨੂੰ ਬਰਿਸਬਨ ਵਿੱਚ  110 ਦੌੜਾਂ ਨਾਲ,ਸ਼੍ਰੀਲੰਕਾ ਨੇ ਆਸਟਰੇਲੀਆਂ ਨੂੰ ਸਿਡਨੀ ਵਿੱਚ 8 ਵਿਕਟਾਂ ਨਾਲ, ਜਦੋਂ ਕਿ 101 ਗੇਂਦਾ ਵੀ ਬਾਕੀ ਸਨ ,ਵੱਡੇ ਜਿੱਤ ਮਾਰਜਿਨ ਰਹੇ ਹਨ । ਆਸਟਰੇਲੀਆ ਨੇ ਬਰਿਸਬਨ ਵਿੱਚ ਭਾਰਤ ਵਿਰੁੱਧ ਖੇਡਦਿਆਂ ਸਭ ਤੋਂ ਵੱਧ 26 ਵਾਧੂ ਰਨ ਦਿੱਤੇ । ਡੀ ਜੇ ਹਸੀ ਨੇ ਸਭ ਤੋਂ ਵੱਧ 5 ਨੀਮ ਸੈਂਕੜੇ ਬਣਾਏ । ਸਭ ਤੋਂ ਵੱਧ 4 ਛੱਕੇ ਮਾਈਕਲ ਕਲਾਰਕ ਨੇ ਲਾਏ । ਪਰ ਭਾਰਤ ਦੇ ਵਿਰਾਟ ਕੋਹਲੀ ਨੇ ਇਸ ਪੱਖ ਤੋ 16 ਚੌਕਿਆ ਅਤੇ 2 ਛੱਕਿਆਂ ਦੀ ਮਦਦ ਨਾਲ ਸਭ ਤੋਂ ਵੱਧ ਰਨ ਬਣਾਏ । ਆਸਟਰੇਲੀਆ ਦਾ ਐਮ ਐਸ ਵਾਡੇ 17 ਕੈਚ ਅਤੇ 2 ਸਟੰਪ ਆਊਟ ਨਾਲ ਸਿਖਰ ‘ਤੇ ਰਿਹਾ । ਪਲੇਅਰ ਆਫ਼ ਦਾ ਸੀਰੀਜ਼ ਤਿਲਕਰਤਨੇ ਦਿਲਸ਼ਾਨ ਅਖਵਾਇਆ ।

                          ਕ੍ਰਿਕਟ ਦੇ ਇਸ ਵਕਾਰੀ ਟੂਰਨਾਂਮੈਂਟ ਵਿੱਚ  ਹੁਣ ਤੱਕ 9 ਮੁਲਕ ਆਸਟਰੇਲੀਆ,ਵੈਸਟ ਇੰਡੀਜ਼,ਇੰਗਲੈਂਡ,ਨਿਊਜ਼ੀਲੈਂਡ,ਭਾਰਤ,ਪਾਕਿਸਤਾਨ,ਸ਼੍ਰੀਲੰਕਾ,ਦੱਖਣੀ ਅਫਰੀਕਾ,ਅਤੇ ਜ਼ਿੰਬਾਬਵੇ ਨੇ ਹੀ ਸ਼ਿਰਕਤ ਕੀਤੀ ਹੈ । ਸਾਰੇ ਦੇ ਸਾਰੇ 30 ਮਕੁਬਲਿਆਂ ਵਿੱਚ ਹਿੱਸਾ ਲੈਂਦਿਆਂ, ਆਸਟਰੇਲੀਆ ਨੇ ਸਭ ਤੋਂ ਵੱਧ 27 ਫਾਈਨਲ ਖੇਡਕੇ 19 ਜਿੱਤੇ ਹਨ । ਵੈਸਟ ਇੰਡੀਜ਼ ਨੇ 8 ਫਾਈਨਲਾਂ ਚੋ 6 ਜਿੱਤੇ ਹਨ। ਇੰਗਲੈਡ ਨੇ ਵੀ ਏਨੇ ਹੀ ਫਾਈਨਲ ਤਾਂ ਖੇਡੇ ਹਨ,ਪਰ ਜਿੱਤਾਂ ਦੋ ਹੀ ਹਨ ।  ਭਾਰਤ ਅਤੇ ਪਾਕਿਸਤਾਨ ਨੇ 4-4 ਫਾਈਨਲ ਖੇਡਦਿਆਂ 1-1 ਜਿੱਤਿਆ ਹੈ । ਦੱਖਣੀ ਅਫ਼ਰੀਕਾ 3 ਫਾਈਨਲਾਂ ਚੋ ਇੱਕ ਹੀ ਜਿੱਤ ਸਕਿਆ ਹੈ। ਨਿਊਜ਼ੀਲੈਂਡ ਨੇ 5 ਅਤੇ ਸ਼੍ਰੀਲੰਕਾ ਨੇ 3 ਫਾਈਨਲ ਖੇਡਕੇ ਕੋਈ ਨਹੀਂ ਜਿਤਿਆ । ਏਸੇ ਸੰਦਰਭ ਵਿੱਚ ਜੇ ਭਾਰਤੀ ਟੀਮ ਦੀ ਸਮੁੱਚੀ ਕਾਰਗੁਜ਼ਾਰੀ ਨੂੰ ਵੇਖੀਏ ਤਾਂ ਤੱਥ ਗਵਾਹ ਬਣਦੇ ਹਨ ਕਿ ਇਹ ਟੂਰ ਦੌਰਾਂਨ ਚੱਲਿਆ ਹੋਇਆ ਕਾਰਤੂਸ ਹੀ ਕਿਓਂ ਬਣਦੀ ਹੈ ? ਜਦੋਂ ਕਿ ਆਪਣੀ ਧਰਤੀ ‘ਤੇ ਇੰਗਲੈਡ ਅਤੇ ਵੈਸਟ ਇੰਡੀਜ ਨੂੰ ਬੁਰੀ ਤਰ੍ਹਾਂ ਹਰਾਉਣ ਵਿੱਚ ਸਫ਼ਲ ਹੁੰਦੀ ਹੈ।ਅੱਜ ਕ੍ਰਿਕਟ ਪੰਡਤਾਂ ਨੂੰ ਇਸ ਸੁਆਲ ਦਾ ਜਵਾਬ ਲੱਭਣ ਦੀ ਜ਼ਰੂਰਤ ਹੈ,ਨਾਂ ਕਿ ਜਵਾਬ ਦਾ ਜਵਾਬ ਦੇਣ ਦੀ ।

ਰਣਜੀਤ ਸਿੰਘ ਪ੍ਰੀਤ

ਭਗਤਾ-151206 (ਬਠਿੰਡਾ)

ਮੁਬਾਇਲ ਸੰਪਰਕ :98157-07232

https://sites.google.com/site/sanjhapirr/

www.ranjitsinghpreet.com

e-mail ; ranjitpreet@ymail.com

e-mail; preetranjit56@gmail.com

Link :- http://www.facebook.com/pages/Ranjit-Singh-Preet/113365258770400?skip_nax_wizard=true

Link;-- www.rpreet.blogspot.com

Link;-- www.ranjitpreet.blogspot.com

Link;-- www.rspreet.blogspot.com

West Indies Cricketer MORTON

           ਵਿਵਾਦਾਂ ਅਤੇ ਪ੍ਰਾਪਤੀਆਂ ਦਾ ਮੁਜੱਸਮਾਂ; ਮੌਰਟਨ

                                              ਰਣਜੀਤ ਸਿੰਘ ਪ੍ਰੀਤ

               ਪਹਿਲਾ ਐਵਾਰਡ 1996 ਨੂੰ ਅਤੇ ਆਖ਼ਰੀ 13 ਵਾਂ ਐਵਾਰਡ 27 ਮਾਰਚ 2009 ਨੂੰ ਹਾਸਲ ਕਰਨ ਵਾਲੇ,ਵੈਸਟ ਇੰਡੀਜ਼ ਦੇ ਨਾਮਵਰ ਕ੍ਰਿਕਟ ਖਿਡਾਰੀ ਰੁਨਾਕੋ ਸ਼ਕੂਰ ਮੌਰਟਨ ਦਾ ਜਨਮ ਗਿੰਗਰਲੈਂਡ (ਨੇਵਿਸ) ਵਿੱਚ 27 ਜੁਲਾਈ 1978 ਨੂੰ ਹੋਇਆ । ਘਰੇਲੂ ਮੈਦਾਨਾਂ ਦੇ ਸ਼ਾਹ ਸਵਾਰ ਇਸ ਖਿਡਾਰੀ ਨੇ 1996 ਤੋਂ 2010 ਤੱਕ ਲੀਵਾਰਡ ਇਸਲੈਂਡ ਲਈ ਅਤੇ ਫਿਰ 2010 ਤੋਂ 2012 ਤੱਕ ਟ੍ਰਿਨਦਾਦ ਐਂਡ ਟੋਬੈਗੋ ਲਈ ਆਪਣੀ ਖੇਡ ਜਾਰੀ ਰੱਖੀ । ਅੰਡਰ-19 ਯੂਥ ਕੌਮਾਂਤਰੀ ਵੰਨ ਡੇਅ ਮੈਚ 2,5 ਅਤੇ 7 ਅਕਤੂਬਰ 1996 ਨੂੰ ਪਾਕਿਸਤਾਨ ਵਿੱਰੁੱਧ ਖੇਡੇ ਅਤੇ 35 ਦੌੜਾਂ ਬਣਾਈਆਂ । ਪਹਿਲੇ ਦਰਜੇ ਦਾ ਪਹਿਲਾ ਮੈਚ ਰੈੱਡ ਸਟਰਿਪ ਕੱਪ ਤਹਿਤ 23 ਮਈ 1997 ਨੂੰ ਓਵਲ ਵਿੱਚ ਅਤੇ ਆਖ਼ਰੀ ਮੈਚ ਵੀ ਓਵਲ ਵਿੱਚ ਹੀ 11 ਮਾਰਚ 2011 ਨੂੰ ਰੀਜ਼ਨਲ ਕੰਪੀਟੀਸ਼ਨ ਖੇਡਿਆ । ਨੌਰਟਲ ਯੂਥ ਟੂਰਨਾਮੈਟ 27 ਜੁਲਾਈ 1996 ਨੂੰ ਅਤੇ ਆਖ਼ਰੀ ਮੈਚ 14 ਦਸੰਬਰ 2007 ਨੂੰ ਦੱਖਣੀ ਅਫਰੀਕਾ ਵਿਰੁੱਧ ਈਸਟ ਲੰਡਨ ‘ਚ ਖੇਡਿਆ ।

                         ਪਹਿਲਾ ਟੈਸਟ ਮੈਚ ਸ਼੍ਰੀਲੰਕਾ ਵਿਰੁੱਧ 13 ਜੁਲਾਈ 2005 ਨੂੰ ਕੋਲੰਬੋ ਵਿੱਚ  ਖੇਡਿਆ । ਆਪਣੀ ਪਹਿਲੀ ਪਾਰੀ ਵਿੱਚ ਚਾਰ ਚੌਕੇ ,ਇੱਕ ਛੱਕੇ ਦੀ ਮਦਦ ਨਾਲ 74 ਗੇਂਦਾ’ਤੇ 43 ਰਨ ਬਣਾਏ ਅਤੇ ਮੁਰਲੀਧਰਨ ਨੇ ਬੋਲਡ ਆਊਟ ਕੀਤਾ । 30 ਮਈ 2008 ਨੂੰ ਐਂਟੀਗੁਆ ਵਿੱਚ ਆਸਟਰੇਲੀਆ ਵਿਰੁੱਧ ਆਖ਼ਰੀ ਟੈਸਟ ਖੇਡਿਆ । ਰੁਨਾਕੋ ਨੇ 2 ਰਨ ਹੀ ਬਣਾਏ । ਇੱਕ ਰੋਜ਼ਾ ਪਹਿਲਾ ਮੈਚ 15 ਫਰਵਰੀ 2002 ਨੂੰ ਪਾਕਿਸਤਾਨ ਵਿਰੁੱਧ ਸ਼ਾਰਜਾਹ ਵਿਖੇ ਖੇਡਦਿਆਂ 16 ਰਨ ਹੀ ਬਣਾਏ ਅਤੇ ਮੁਹੰਮਦ ਸਮੀ ਨੇ ਬੋਲਡ ਕਰਿਆ । ਆਖ਼ਰੀ ਮੈਚ ਆਸਟਰੇਲੀਆ ਵਿਰੁੱਧ 9 ਫਰਵਰੀ 2010 ਨੂੰ ਓਵਲ ਵਿਖੇ ਖੇਡਦਿਆਂ 4 ਦੌੜਾਂ ਹੀ ਬਣਾਈਆਂ ।

                ਟੀ-20 ਖੇਤਰ ਦਾ ਪਹਿਲਾ ਕੌਮਾਂਤਰੀ ਮੈਚ 16 ਫਰਵਰੀ 2006 ਨੂੰ ਨਿਊਜ਼ੀਲੈਂਡ ਵਿਰੁੱਧ ਖੇਡਿਆ ਅਤੇ 4 ਰਨ ਹੀ ਬਣਾਏ । ਆਸਟਰੇਲੀਆ ਖ਼ਿਲਾਫ਼ ਆਖ਼ਰੀ ਮੈਚ 23 ਫਰਵਰੀ 2010 ਨੂੰ ਸਿਡਨੀ ਵਿੱਚ ਸਕੋਰ ਜ਼ੀਰੋ ਨਾਲ ਖੇਡਿਆ । ਉਂਜ ਆਖ਼ਰੀ ਟੀ-20 ਬਰਿਜਟਾਊਨ ਵਿੱਚ 23 ਜਨਵਰੀ 2011 ਨੂੰ ਕਰੀਬੀਅਨ ਮੁਕਾਬਲੇ ਦੇ ਫਾਈਨਲ ਵਜੋਂ ਅਤੇ ਲਿਸਟ ਏ ਮੈਚਾਂ ਵਿੱਚ 5 ਅਕਤੂਬਰ 1997 ਤੋਂ 9 ਫਰਵਰੀ 2010 ਤੱਕ ਸ਼ਾਮਲ ਰਿਹਾ।

                       ਮੌਰਟਨ ਨੇ 15 ਟੈਸਟ ਮੈਚਾਂ ਵਿੱਚ ਉੱਚ ਸਕੋਰ 70,ਅਤੇ 4 ਅਰਧ ਸੈਕੜਿਆਂ ਦੀ ਮਦਦ ਨਾਲ 573 ਦੌੜਾਂ ਬਣਾਈਆਂ । ਬਗੈਰ ਕੋਈ ਵਿਕਟ ਲਿਆ 66 ਗੇਂਦਾ ਵੀ ਕੀਤੀਆਂ ਅਤੇ 20 ਕੈਚ ਲਏ । 56 ਕੌਮਾਂਤਰੀ ਇੱਕ ਰੋਜ਼ਾ ਮੈਚਾਂ ਵਿੱਚ ਉੱਚ ਸਕੋਰ 110 ਰਨ,2 ਸੈਂਕੜੇ 10 ਅਰਧ ਸੈਂਕੜਿਆਂ ਨਾਲ 1519 ਰਨ ਬਣਾਏ । ਗੇਦਾਂ 6 ਕੀਤੀਆਂ ਅਤੇ 20 ਕੈਚ ਲਏ । ਪਹਿਲੀ ਸ਼੍ਰੇਣੀ ਦੇ ਖੇਡੇ 95 ਮੈਚਾਂ ਵਿੱਚ 14 ਸੈਂਚੁਰੀ,37 ਹਾਫ਼ ਸੈਂਚੁਰੀ,ਉੱਚ ਸਕੋਰ 231 ਨਾਲ 5980 ਰਨ ਬਣਾਏ । ਗੇਂਦਾਂ 473 ‘ਤੇ 8 ਵਿਕਟਾਂ ਅਤੇ 105 ਕੈਚ ਲਏ । ਲਿਸਟ ਏ ਦੇ 120 ਮੈਚਾਂ ਵਿੱਚ ਉੱਚ ਸਕੋਰ 126 ਰਨ,5 ਸੈਂਕੜੇ,24 ਅਰਧ ਸੈਂਕੜੇ, ਕੁੱਲ 3642 ਦੌੜਾਂ ਬਣਾਈਆਂ । ਕੁੱਲ 210 ਗੇਂਦਾਂ ਕਰਦਿਆਂ 8 ਵਿਕਟਾਂ ਲਈਆਂ ਅਤੇ 48 ਕੈਚ ਲਏ ।

                 ਵੈਸਟ ਇੰਡੀਜ ਅਕਾਦਮੀ ਵੱਲੋਂ ਜੁਲਾਈ 2001 ਵਿੱਚ ਬੁਰੇ ਵਤੀਰੇ ਸਦਕਾ ਪਾਬੰਦੀ, ਚੈਂਪੀਅਨਸ ਟਰਾਫੀ ਚੋ ਸਤੰਬਰ 2002 ਨੂੰ ਬਾਹਰ, ਦਾਦੀ ਦੀ ਮੌਤ ਵਾਲਾ ਝੂਠ, ਜਨਵਰੀ 2004 ਵਿੱਚ ਛੁਰੇਬਾਜੀ ਦੀ ਘਟਨਾ, ਨਸ਼ਾ ਮਾਰੀਜੁਨਾ ਫੜ੍ਹੇ ਜਾਣਾ,ਜ਼ਮਾਨਤ ਹੋਣਾ ਅਤੇ ਟੀਮ ਵਿੱਚ  ਮਈ 2005 ਨੂੰ ਤੀਜੀ ਵਾਪਸੀ ਮਿਲਣਾ ਰੁਨਾਕੋ ਦੇ ਨਾਲ ਰਿਹਾ ਹੈ ।

                    ਰੁਨਾਕੋ ਮੌਰਟਿਨ 4 ਮਾਰਚ 2012 ਐਤਵਾਰ ਦੀ ਰਾਤ ਨੂੰ ਸਰ ਸੋਲੋਮਨ ਹੌਚੀ ਹਾਈਵੇਅ ‘ਤੇ ਕਾਰ ਡ੍ਰਾਈਵ ਕਰਦਾ ਜਾ ਰਿਹਾ ਸੀ ਕਿ ਪਿੰਡ ਚੇਸ ਚਾਗੂਅਨਜ਼ ਵਿਖੇ ਉਹ ਕਾਰ ਤੋਂ ਕੰਟਰੋਲ ਗੁਆ ਬੈਠਾ ਅਤੇ ਕਾਰ ਪੋਲ ਨਾਲ ਟਕਰਾ ਗਈ । ਇਸ ਦੁਖਦਾਈ ਹਾਦਸੇ ਵਿੱਚ 33 ਸਾਲ 226 ਦਿਨ ਦਾ ਰੁਨਾਕੋ ਮੌਰਟਿਨ ਸਦਾ ਸਦਾ ਲਈ ਜ਼ਿੰਦਗੀ ‘ਚੋਂ ਹੀ ਬੋਲਡ ਆਊਟ ਹੋ ਗਿਆ । ਪਰ ਉਹ ਕ੍ਰਿਕਟ ਪ੍ਰੇਮੀਆਂ ਦਾ ਚਹੇਤਾ ਬਣਕੇ ਯਾਦਾਂ ਦਾ ਹਿੱਸਾ ਬਣਿਆਂ ਰਹੇਗਾ ।

                           *********************

ਰਣਜੀਤ ਸਿੰਘ ਪ੍ਰੀਤ

ਭਗਤਾ-151206 (ਬਠਿੰਡਾ)

ਮੁਬਾਇਲ ਸੰਪਰਕ:98157-07232

ਸੈਂਕੜਿਆਂ ਦਾ ਸੈਂਕੜਾ ਲਾਉਣ ਵਾਲਾ : ਸਚਿਨ

         ਸੈਂਕੜਿਆਂ ਦਾ ਸੈਂਕੜਾ ਲਾਉਣ ਵਾਲਾ : ਸਚਿਨ

                                              ਰਣਜੀਤ ਸਿੰਘ ਪ੍ਰੀਤ

                             370 ਦਿਨਾਂ (33 ਪਾਰੀਆਂ) ਦੀ ਉਡੀਕ ਮਗਰੋਂ ਸੈਂਕੜਿਆਂ ਦਾ ਸੈਂਕੜਾ ਬਣਾ ਕੇ ਵਿਸ਼ਵ ਰਿਕਾਰਡ ਬਣਾਉਣ ਵਾਲੇ ਸਚਿਨ ਰਾਮੇਸ਼ ਤੇਦੂਲਕਰ ਦਾ ਜਨਮ ਮੁੰਬਈ ਵਿੱਚ ਪਿਤਾ ਰਮੇਸ਼ ਤੇਦੂਲਕਰ ਦੇ ਘਰ 24 ਅਪ੍ਰੈਲ 1973 ਨੂੰ ਹੋਇਆ । ਮੁੱਖ ਟੀਮਾਂ ਮੁੰਬਈ,ਯਾਰਕ ਸ਼ਾਇਰ,ਅਤੇ ਭਾਰਤ ਵੱਲੋਂ ਖੇਡਣ ਵਾਲੇ ਸਚਿਨ ਦੇ ਨਾਅ ਦੁਨੀਆਂ ਦੇ ਸਭ ਕ੍ਰਿਕਟਰਾਂ ਤੋਂ ਵੱਧ ਰਿਕਾਰਡ ਦਰਜ ਹਨ । ਇਸ 5 ਫੁੱਟ 4 ਇਂਚ ਕੱਦ ਦੇ ਲਿਟਲ ਮਾਸਟਰ ਬਲਾਸਟਰ ਅਖਵਾਉਂਦੇ ਖਿਡਾਰੀ ਦਾ ਵਜ਼ਨ 65 ਕਿੱਲੋ ਹੈ । ਆਲ ਰਾਊਂਡਰ ਸਚਿਨ ਅੰਜਲੀ ਤੇਦੂਲਕਰ ਦੇ ਪਤੀ ਅਤੇ ਬੇਟੀ ਸਾਰਾਹ,ਬੇਟੇ ਅਰਜੁਨ ਦੇ ਪਿਤਾ ਨੇ ਹੁਣ ਤੱਕ 188 ਟੈਸਟ ਮੈਚਾਂ ਵਿੱਚ ਉੱਚ ਸਕੋਰ 248 ਨਾਬਾਦ ਨਾਲ 15470 ਰਨ ਬਣਾਏ ਹਨ,ਇਹਨਾਂ ਵਿੱਚ 51 ਸੈਕੜੇ,65 ਅਰਧ ਸੈਂਕੜੇ,4174 ਗੇਂਦਾ’ਤੇ 45 ਵਿਕਟਾਂ, ਵਧੀਆ ਗੇਦਬਾਜ਼ੀ 3/10 ਅਤੇ 113 ਕੈਚ ਸ਼ਾਮਲ ਹਨ । ਪਹਿਲੀ ਸ਼੍ਰੇਣੀ ਦੇ 292 ਮੈਚਾਂ ਵਿੱਚ 78 ਸੈਂਕੜਿਆਂ,111 ਅਰਧ ਸੈਂਕੜਿਆਂ ,ਉੱਚ ਸਕੋਰ 248 ਸਮੇਤ 24389 ਰਨ ਬਣਾਏ ਹਨ । ਜਦੋ ਕਿ 7539 ਗੇਦਾਂ ਤੇ 70 ਵਿਕਟਾਂ ,ਵਧੀਆ 3/10 ਅਤੇ 181 ਕੈਚ ਲਏ ਹਨ । ਲਿਸਟ ਏ ਦੇ 541 ਮੈਚਾਂ ਵਿੱਚ 59 ਸੈਂਕੜੇ,113 ਅਰਧ ਸੈਕੜੇ, ਉੱਚ ਸਕੋਰ 200 ਨਾਟ ਆਉਟ ਨਾਲ 21684 ਦੌੜਾਂ ਬਣਾਈਆਂ ਹਨ । ਕੁੱਲ 10200 ਗੇਦਾਂ ਕਰਦਿਆਂ ਦੋ ਵਾਰ 5-5 ਵਿਕਟਾਂ ਲੈਂਦਿਆਂ ,ਵਧੀਆ ਪ੍ਰਦਰਸ਼ਨ 5/32 ਨਾਲ 201 ਵਿਕਟਾਂ ਲਈਆਂ ਹਨ । ਕੈਚ 171 ਲਏ ਹਨ ।

                          ਸਚਿਨ ਨੇ ਜਦ ਗਵਾਲੀਅਰ ਵਿੱਚ 24 ਫਰਵਰੀ 2010 ਨੂੰ ਦੱਖਣੀ ਅਫਰੀਕਾ ਵਿਰੁੱਧ ਨਾਟ ਆਉਟ 200 ਰਨ ਬਣਾਏ, ਜੋ ਇੱਕ ਦਿਨਾਂ ਮੈਚਾਂ ਵਿੱਚ ਉਸਦਾ 46ਵਾਂ ਸੈਂਕੜਾ ਸੀ, ਪਰ ਇੱਕ ਰੋਜ਼ਾ ਮੈਚਾਂ ਦੇ ਇਤਿਹਾਸ ਵਿੱਚ ਦੂਹਰਾ ਸੈਂਕੜਾ.ਪਹਿਲਾ । ਸਚਿਨ ਨੇ 42 ਸੈਕੜੇ ਭਾਰਤ ਵਿੱਚ ਅਤੇ 58 ਬਾਹਰ ਲਗਾਏ ਹਨ । ਅਜ਼ਰੂਦੀਨ ਦੀ ਕਪਤਾਨੀ ਅਧੀਨ ਸਭ ਤੋਂ ਵੱਧ 33 ਸੈਂਕੜੇ ,ਅਤੇ ਆਪਣੀ ਹੀ ਕਪਤਾਨੀ ਵਾਲੇ 98 ਕੌਮਾਂਤਰੀ ਮੈਚਾਂ ਵਿੱਚ 13 ਵਾਰੀ ਅਜਿਹਾ ਕੀਤਾ ਹੈ । ਦੋ ਭਰਾਵਾਂ ਨਿਤਿਨ ਤੇਦੂਲਕਰ, ਅਜੀਤ ਤੇਦੂਲਕਰ ਅਤੇ ਇੱਕ ਭੈਣ ਸਵਿਤਾਈ ਤੇਦੂਲਕਰ,ਦੇ ਭਰਾ ਆਲ ਰਾਊਂਡਰ ਸਚਿਨ ਨੇ ਆਪਣਾ 25 ਵਾਂ ਸੈਂਕੜਾ 11 ਅਗਸਤ 1997 ਨੂੰ ਸ਼੍ਰੀਲੰਕਾ ਖ਼ਿਲਾਫ਼ ਕੋਲੰਬੋ ਵਿੱਚ ਆਪਣੀ ਹੀ ਕਪਤਾਨੀ ਅਧੀਨ ਡਰਾਅ ਰਹੇ ਟੈਸਟ ਮੈਚ ਵਿੱਚ 139 ਦੌੜਾਂ ਨਾਲ ਬਣਾਇਆ । ਪੰਜਾਹਵਾਂ ਸੈਂਕੜਾ ਵੀ ਡਰਾਅ ਰਹੇ ਟੈਸਟ ਮੈਚ ਵਿੱਚ ਜ਼ਿੰਬਾਬਵੇ ਵਿਰੁੱਧ ਨਾਗਪੁਰ ਵਿੱਖੇ (ਨਾਟ ਆਊਟ 201) 26 ਨਵੰਬਰ 2000 ਨੂੰ ਬਣਾਇਆ ਸੀ । ਜੋ ਟੈਸਟ ਮੈਚ ਸੈਂਕੜਿਆਂ ਵਿੱਚ ਸਚਿਨ ਦਾ 24 ਵਾਂ ਸੈਂਕੜਾ ਸੀ । ਜਦ ਇੱਕ ਦਿਨਾਂ ਮੈਚਾਂ ਵਿੱਚ ਸਚਿਨ ਨੇ 40 ਵਾਂ ਸੈਂਕੜਾ (ਨਾਟ ਆਊਟ 141 ਦੌੜਾਂ) 14 ਸਤੰਬਰ 2006 ਨੂੰ ਵੈਸਟ ਇੰਡੀਜ਼ ਵਿਰੁੱਧ ਕੁਆਲਾਲੰਪੁਰ ਵਿਖੇ ਲਗਾਇਆ ਤਾਂ ਇਹ ਉਸਦਾ 75ਵਾਂ ਸੈਕੜਾ ਸੀ। ਕੁੱਲ ਖੇਡੇ ਮੈਚਾਂ ਵਿੱਚ ਉੱਚ ਸਕੋਰ 248 ਦੌੜਾਂ ਰਿਹਾ ਹੈ।

                      ਇੱਕ ਰੋਜਾਂ 455 ਮੈਚਾਂ ਵਿੱਚ 49 ਸੈਂਕੜੇ ,95 ਅਰਧ ਸੈਂਕੜੇ ,ਉੱਚ ਸਕੋਰ ਨਾਟ ਆਊਟ 200 ਦੀ ਮਦਦ ਨਾਲ 18360 ਰਨ ਬਣਾਏ ਹਨ । ਜਦੋਂ ਕਿ 8032 ਗੇਂਦਾ ਕਰਦਿਆਂ ਦੋ ਵਾਰੀ 5-5 ਵਿਕਟਾਂ ਲੈਦਿਆਂ ਵਧੀਆ 5/32 ਨਾਲ 154 ਵਿਕਟਾਂ ਲਈਆਂ ਹਨ ,ਅਤੇ ਕੈਚਾਂ ਦੀ ਗਿਣਤੀ 136 ਹੈ । ( ਏਸੀਆ ਕੱਪ ਦੇ ਬੰਗਲਾ ਦੇਸ਼ ਵਿਰੁੱਧ ਮੀਰਪੁਰ ਵਾਲੇ ਮੈਚ ਤੱਕ)। ਪਹਿਲਾ ਕੌਮਾਂਤਰੀ ਟੈਸਟ ਮੈਚ ਪਾਕਿਸਤਾਨ ਵਿਰੁੱਧ 15 ਨਵੰਬਰ 1989 ਨੂੰ ਅਤੇ ਆਖ਼ਰੀ  24 ਜਨਵਰੀ 2012 ਨੂੰ ਆਸਟਰੇਲੀਆ ਵਿਰੁੱਧ ਖੇਡਿਆ ਹੈ । ਦਸ ਨੰਬਰ ਦੀ ਸ਼ਰਟ ਪਹਿਨਦਿਆਂ ਪਹਿਲਾ ਇੱਕ ਦਿਨਾਂ ਮੈਚ 18 ਦਸੰਬਰ 1989 ਨੂੰ ਪਾਕਿਸਤਾਨ ਵਿਰੁੱਧ,ਅਤੇ ਆਖਰੀ ਮੈਚ ਏਸ਼ੀਆਂ ਕੱਪ ਵਿੱਚ 16 ਮਾਰਚ 2012 ਨੂੰ ਅਤੇ ਇੱਕੋ ਇੱਕ  ਟੀ-20 ਪਹਿਲੀ ਦਸੰਬਰ 2006 ਨੂੰ ਦੱਖਣੀ ਅਫਰੀਕਾ ਵਿਰੁੱਧ ਖੇਡਿਆ ਹੈ । ਸਿਰਫ਼ 13 ਸਾਲ ਦੀ ਉਮਰ ਵਿੱਚ ਕਲੱਬ ਕ੍ਰਿਕਟ ਵੱਲੋਂ ਖੇਡਣਾ ਸ਼ੁਰੂ ਕਰਨ ਵਾਲੇ ਸਚਿਨ ਨੇ 11 ਦਸੰਬਰ 1988 ਨੂੰ 15 ਸਾਲ 232 ਦਿਨ ਦੀ ਉਮਰ ਵਿੱਚ ਪਹਿਲਾ ਸੈਂਕੜਾ ਨਾਬਾਦ ਰਹਿੰਦਿਆਂ ਪਹਿਲੀ ਸ਼੍ਰੇਣੀ ਦੇ ਮੈਚ ਵਿੱਚ ਮੁੰਬਈ ਵੱਲੋਂ ਖੇਡਦਿਆਂ ਗੁਜਰਾਤ ਟੀਮ ਵਿਰੁੱਧ ਸੈਂਕੜਾ ਲਾ ਕੇ ਸਭ ਤੋਂ ਛੋਟੀ ਉਮਰ ਵਿੱਚ ਕਾਰਨਾਮਾ ਕਰ ਵਿਖਾਇਆ ਸੀ ।

               ਗੇਂਦ ਨਾਲ ਛੇੜਛਾੜ ਦੀ ਵਜ੍ਹਾ ਸਦਕਾ ਦੱਖਣੀ ਅਫਰੀਕਾ ਵਿਖੇ  ਇੱਕ ਮੈਚ ਦੀ ਪਾਬੰਦੀ ਅਤੇ ਸੱਟਾਂ ਨਾਲ ਮੈਦਾਨੋ ਬਾਹਰ ਰਹਿਣ ਵਾਲੇ ,ਕਈ ਵਾਰੀ ਨਾਈਨਟੀ ਨਰਵਿਸ ਦਾ ਸ਼ਿਕਾਰ ਹੋਣ ਵਾਲੇ ਸਚਿਨ ਤੇਦੂਲਕਰ ਨੇ 25 ਟੈਸਟ ਮੈਚਾਂ ਵਿੱਚ ਕਪਤਾਨੀ ਕਰਦਿਆਂ 4 ਜਿੱਤੇ,9 ਹਾਰੇ ਅਤੇ 12 ਬਰਾਬਰ ਖੇਡੇ ਹਨ । ਵੰਨ ਡੇਅ ਵਿੱਚ 73 ਮੈਚਾਂ ਦੀ ਕਪਤਾਨੀ ਸਮੇ 23 ਜਿੱਤੇ,43 ਹਾਰੇ ਅਤੇ 2 ਟਾਈਡ ,5 ਬੇ-ਨਤੀਜਾ ਰਹੇ ਹਨ । ਇਸ ਖਿਡਾਰੀ ਨੇ ਟੈਸਟ ਮੈਚਾਂ ਵਿੱਚ 51 ਅਤੇ ਇੱਕ ਦਿਨਾਂ ਮੈਚਾਂ ਵਿੱਚ 49 ਸੈਂਕੜੇ ਲਗਾਏ ਹਨ । ਸੱਭ ਤੋਂ ਵੱਧ ਆਸਟਰਏਲੀਆ ਵਿਰੁੱਧ 20 ਸੈਂਕੜੇ ਦਰਜ ਹਨ । ਸਚਿਨ ਨੇ ਆਪਣਾ ਪਹਿਲਾ ਇੱਕ ਰੋਜ਼ਾ ਮੈਚਾਂ ਦਾ ਸੈਕੜਾ 9 ਸਤੰਬਰ 1994 ਨੂੰ ਆਸਟਰੇਲੀਆ ਵਿਰੁੱਧ ਕੋਲੰਬੋ ਵਿੱਚ 110 ਰਨ ਬਣਾਕੇ ਲਾਇਆ । ਆਖ਼ਰੀ ਮਹਾਂ ਸੈਂਕੜੇ ਤੋਂ ਪਿਛਲਾ 99ਵੇਂ ਵਾਂ ਸੈਂਕੜਾ 12 ਮਾਰਚ 2011 ਨੂੰ ਦੱਖਣੀ ਅਫ਼ਰੀਕਾ ਵਿਰੁੱਧ ਨਾਗਪੁਰ ਵਿੱਚ ਵਿਸ਼ਵ ਕੱਪ ਸਮੇਂ ਦਰਜ ਕੀਤਾ ਸੀ । ਟੈਸਟ ਮੈਚਾਂ ਦਾ ਪਹਿਲਾ ਸੈਂਕੜਾ 17 ਸਾਲ ਦੀ ਉਮਰ ਵਿੱਚ ਇੰਗਲੈਂਡ ਵਿਰੁੱਧ 14 ਅਗਸਤ 1990 ਨੂੰ ਮਨਚੈਸਟਰ ਵਿੱਖੇ ਨਾਟ ਆਊਟ 119 ਦੌੜਾਂ ਵਾਲਾ ਲਗਾਇਆ ਸੀ । ਆਖ਼ਰੀ ਟੈਸਟ ਸੈਂਕੜਾ ਦੱਖਣੀ ਅਫਰੀਕਾ ਵਿਰੁੱਧ ਕੈਪਟਾਊਨ ਵਿੱਚ 4 ਜਨਵਰੀ 2011 ਨੂੰ 146 ਰਨ ਵਾਲਾ ਰਿਹਾ ਹੈ । ਆਪਣਾ ਮਹਾਂ ਸੈਂਕੜਾ 114 ਦੌੜਾ ਨਾਲ ਪੂਰਾ ਕਰਨ ਲਈ 147 ਗੇਂਦਾਂ ਖੇਡਦਿਆਂ 12 ਚੌਕੇ ਅਤੇ ਇੱਕ ਛੱਕਾ ਲਗਾਇਆ । ਸਚਿਨ 73 ਵਾਰੀ ਮੈਨ ਆਫ਼ ਦਾ ਮੈਚ ਅਤੇ 18 ਵਾਰੀ ਮੈਨ ਆਫ਼ ਦਾ ਸੀਰੀਜ਼ ਵੀ ਬਣਿਆਂ ਹੈ । ਸਚਿਨ ਰਿਕਾਰਡਾਂ ਅਤੇ ਸੈਕੜਿਆਂ ਦਾ ਬਾਦਸ਼ਾਹ ਹੈ ਅਤੇ ਕ੍ਰਿਕਟ ਜਗਤ ਦਾ ਸ਼ਾਹ ਸਵਾਰ ।

ਸਚਿਨ ਤੇਦੂਲਕਰ ਦੇ ਸੈਂਕੜਿਆਂ ਦਾ ਪੂਰਾ ਵੇਰਵਾ ਇਸ ਤਰ੍ਹਾਂ ਹੈ :-

ਟੈਸਟ ਮੈਚਾਂ ਵਿੱਚ ਸੈਕੜੇ:-

ਲੜੀ ਨੰ.	ਸਕੋਰ	ਵਿਰੁੱਧ	ਪਾਰੀ.	ਟੈਸਟ	ਸਥਾਨ	ਮਿਤੀ	ਨਤੀਜਾ
1	119*	ਇੰਗਲੈਂਡ	2	2	ਮਨਚੈਸਟਰ	14 ਅਗਸਤ 1990	ਡਰਾਅ
2	148*	ਆਸਟਰੇਲੀਆ	1	3	ਸਿਡਨੀ	6 ਜਨਵਰੀ 1992	ਡਰਾਅ
3	114	ਆਸਟਰੇਲੀਆ	1	5	ਪਰਥ	3 ਫਰਵਰੀ 1992	ਹਾਰ
4	111	ਦੱ;ਅਫਰੀਕਾ	1	2	ਜੋਹਾਂਸਬਰਗ	28 ਨਵੰਬਰ 1992	ਡਰਾਅ
5	165	ਇੰਗਲੈਂਡ	1	2	ਚੇਨੱਈ	12 ਫਰਵਰੀ 1993	ਜਿੱਤ
6	104*	ਸ਼੍ਰੀਲੰਕਾ	2	2	ਕੋਲੰਬੋ	31 ਜੁਲਾਈ1993	ਜਿੱਤ
7	142	ਸ਼੍ਰੀਲੰਕਾ	1	1	ਲਖਨਊ	19 ਜਨਵਰੀ 1994	ਜਿੱਤ
8	179	ਵੈਇੰਡੀਜ਼	1	2	ਨਾਗਪੁਰ	2 ਦਸੰਬਰ 1994	ਡਰਾਅ
9	122	ਇੰਗਲੈਂਡ	2	1	ਬਿਮਿੰਘਮ	8 ਜੂਨ 1996	ਹਾਰ
10	177	ਇੰਗਲੈਂਡ	1	3	ਨੌਟਿੰਘਮ	5 ਜੁਲਾਈ 1996	ਡਰਾਅ
11	169♠	ਦੱ;ਅਫਰੀਕਾ	1	2	ਕੈਪਟਾਊਨ	4 ਜਨਵਰੀ 1997	ਹਾਰ
12	143♠	ਸ਼੍ਰੀਲੰਕਾ	1	1	ਕੋਲੰਬੋ	3 ਅਗਸਤ 1997	ਡਰਾਅ
13	139♠	ਸ਼੍ਰੀਲੰਕਾ	1	2	ਕੋਲੰਬੋ	11 ਅਗਸਤ 1997	ਡਰਾਅ
14	148♠	ਸ਼੍ਰੀਲੰਕਾ	1	3	ਮੁੰਬਈ	4 ਦਸੰਬਰ 1997	ਡਰਾਅ
15	155*	ਆਸਟਰੇਲੀਆ	2	1	ਚੇਨੱਈ	9 ਮਾਰਚ 1998	ਜਿੱਤ
16	177	ਆਸਟਰੇਲੀਆ	1	3	ਬੰਗਲੌਰ	26 ਮਾਰਚ 1998	ਹਾਰ
17	113	ਨਿਊਜ਼ੀਲੈਂਡ	2	2	ਵਲਿੰਗਟਨ	29 ਦਸੰਬਰ 1998	ਹਾਰ
18	136	ਪਾਕਿਸਤਾਨ	2	1	ਚੇਨੱਈ	31 ਜਨਵਰੀ 1999	ਹਾਰ
19	124*	ਸ਼੍ਰੀਲੰਕਾ	2	2	ਕੋਲੰਬੋ	28 ਫਰਵਰੀ 1999	ਡਰਾਅ
20	126*♠	ਨਿਊਜ਼ੀਲੈਂਡ	2	1	ਮੁਹਾਲੀ	13 ਅਕਤੂਬਰ 1999	ਡਰਾਅ
21	217♠	ਨਿਊਜ਼ੀਲੈਂਡ	1	3	ਅਹਿਮਦਾਬਾਦ	30 ਅਕਤੂਬਰ 1999	ਡਰਾਅ
22	116♠	ਆਸਟਰੇਲੀਆ	1	2	ਮੈਲਬੌਰਨ	28 ਦਸੰਬਰ 1999	ਹਾਰ
23	122	ਜ਼ਿੰਬਾਬਵੇ	1	1	ਨਵੀਂ ਦਿੱਲੀ	21 ਨਵੰਬਰ 2000	ਜਿੱਤ
24	201*	ਜ਼ਿੰਬਾਬਵੇ	1	2	ਨਾਗਪੁਰ	26 ਨਵੰਬਰ 2000	ਡਰਾਅ
25	126	ਆਸਟਰੇਲੀਆ	1	3	ਚੇਨੱਈ	20 ਮਾਰਚ 2001	ਜਿੱਤ
26	155	ਦੱ;ਅਫਰੀਕਾ	1	1	ਬਲੋਇਮਾਫੌਟੇਨ	3 ਨਵੰਬਰ 2001	ਹਾਰ
27	103	ਇੰਗਲੈਂਡ	1	2	ਅਹਿਮਦਾਬਾਦ	13 ਦਸੰਬਰ 2001	ਡਰਾਅ
28	176	ਜ਼ਿੰਬਾਬਵੇ	1	1	ਨਾਗਪੁਰ	24 ਫਰਵਰੀ 2002	ਜਿੱਤ
29	117	ਵੈਇੰਡੀਜ਼	1	2	ਪੋਰਟ ਆਫ ਸਪੇਨ	20 ਅਪ੍ਰੈਲ 2002	ਜਿੱਤ
30	193	ਇੰਗਲੈਂਡ	1	3	ਲੀਡਜ਼	23 ਅਗਸਤ 2002	ਜਿੱਤ
31	176	ਵੈਇੰਡੀਜ਼	2	3	ਕੋਲਕਾਤਾ	3 ਨਵੰਬਰ 2002	ਡਰਾਅ
32	241*	ਆਸਟਰੇਲੀਆ	1	4	ਸਿਡਨੀ	4 ਜਨਵਰੀ 2004	ਡਰਾਅ
33	194*	ਪਾਕਿਸਤਾਨ	1	1	ਮੁਲਤਾਨ	29 ਮਾਰਚ 2004	ਜਿੱਤ
34	248*	ਬੰਗਲਾਦੇਸ਼	1	1	ਢਾਕਾ	12 ਦਸੰਬਰ  2004	ਜਿੱਤ
35	109	ਸ਼੍ਰੀਲੰਕਾ	1	2	ਨਵੀਂ ਦਿੱਲੀ	22 ਦਸੰਬਰ 2005	ਜਿੱਤ
36	101	ਬੰਗਲਾਦੇਸ਼	1	1	ਚਿਟਾਗਾਂਗ	19 ਮਈ 2007	ਡਰਾਅ
37	122*	ਬੰਗਲਾਦੇਸ਼	1	2	ਮੀਰਪੁਰ	26 ਮਈ 2007	ਜਿੱਤ
38	154*	ਆਸਟਰੇਲੀਆ	1	2	ਸਿਡਨੀ	4 ਜਨਵਰੀ 2008	ਹਾਰ
39	153	ਆਸਟਰੇਲੀਆ	1	4	ਐਡੀਲੇਡ	25 ਜਨਵਰੀ 2008	ਡਰਾਅ
40	109	ਆਸਟਰੇਲੀਆ	1	4	ਨਾਗਪੁਰ	6 ਨਵੰਬਰ 2008	ਜਿੱਤ
41	103*	ਇੰਗਲੈਂਡ	2	1	ਚੇਨੱਈ	15 ਦਸੰਬਰ 2008	ਜਿੱਤ
42	160	ਨਿਊਜ਼ੀਲੈਂਡ	1	1	ਹਮਿਲਟਨ	20 ਮਾਰਚ 2009	ਜਿੱਤ
43	100*	ਸ਼੍ਰੀਲੰਕਾ	2	1	ਅਹਿਮਦਾਬਾਦ	20 ਨਵੰਬਰ 2009	ਡਰਾਅ
44	105*	ਬੰਗਲਾਦੇਸ਼	1	1	ਚਿਟਾਗਾਂਗ	18 ਜਨਵਰੀ 2010	ਜਿੱਤ
45	143	ਬੰਗਲਾਦੇਸ਼	1	2	ਮੀਰਪੁਰ	25 ਜਨਵਰੀ 2010	ਜਿੱਤ
46	100	ਦੱ;ਅਫਰੀਕਾ	2	1	ਨਾਗਪੁਰ	9 ਫਰਵਰੀ 2010	ਹਾਰ
47	106	ਦੱ;ਅਫਰੀਕਾ	1	2	ਕੋਲਕਾਤਾ	15 ਫਰਵਰੀ 2010	ਜਿੱਤ
48	203	ਸ਼੍ਰੀਲੰਕਾ	1	2	ਕੋਲੰਬੋ	28 ਜੁਲਾਈ 2010	ਡਰਾਅ
49	214	ਆਸਟਰੇਲੀਆ	1	2	ਬੰਗਲੌਰ	11 ਅਕਤੂਬਰ 2010	ਜਿੱਤ
50	111*	ਦੱ;ਅਫਰੀਕਾ	2	1	ਸੈਂਚਰੀਅਨ ਪਾਰਕ	19 ਦਸੰਬਰ 2010	ਹਾਰ
51	146	ਦੱ;ਅਫਰੀਕਾ	1	3	ਕੈਪਟਾਊਨ	4 ਜਨਵਰੀ 2011	ਡਰਾਅ

ਇੱਕ ਦਿਨਾਂ ਮੈਚਾਂ ਵਿੱਚ ਸੈਕੜੇ:-

ਲੜੀ ਨੰ.	ਸਕੋਰ	ਵਿਰੁੱਧ	ਪੁਜੀ..	ਪਾਰੀ	ਸਥਾਨ	ਮਿਤੀ	ਨਤੀਜਾ
1	110	ਆਸਟਰੇਲੀਆ	2	1	ਕੋਲੰਬੋ	9 ਸਤੰਬਰ 1994	ਜਿੱਤ
2	115	ਨਿਊਜ਼ੀਲੈਡ	2	2	ਵਡੋਦਰਾ	28 ਅਕਤੂਬਰ1994	ਜਿੱਤ
3	105	ਵੈਇੰਡੀਜ਼	2	1	ਜੈਪੁਰ	11ਨਵੰਬਰ 1994	ਜਿੱਤ
4	112*	ਸ਼੍ਰੀਲੰਕਾ	2	2	ਸ਼ਾਰਜਾਹ	9 ਅਪ੍ਰੈਲ 1995	ਜਿੱਤ
5	127*	ਕੀਨੀਆਂ	2	2	ਕੱਟਕ	18 ਫਰਵਰੀ 1996	ਜਿੱਤ
6	137	ਸ਼੍ਰੀਲੰਕਾ	2	1	ਨਵੀਂ ਦਿੱਲੀ	2 ਮਾਰਚ 1996	ਹਾਰ
7	100	ਪਾਕਿਸਤਾਨ	2	1	ਸਿੰਘਾਪੁਰ	5 ਅਪ੍ਰੈਲ 1996	ਜਿੱਤ
8	118	ਪਾਕਿਸਤਾਨ	2	1	ਸ਼ਾਰਜਾਹ	15 ਅਪ੍ਰੈਲ 1996	ਜਿੱਤ
9	110♠	ਸ਼੍ਰੀਲੰਕਾ	2	1	ਕੋਲੰਬੋ	28 ਅਗਸਤ 1996	ਹਾਰ
10	114♠	ਦੱ;ਅਫਰੀਕਾ	1	1	ਮੁੰਬਈ	14 ਦਸੰਬਰ 1996	ਜਿੱਤ
11	104♠	ਜ਼ਿੰਬਾਬਵੇ	1	1	ਬਿਨੋਨੀ	9 ਫਰਵਰੀ 1997	ਜਿੱਤ
12	117♠	ਨਿਊਜ਼ੀਲੈਡ	2	2	ਬੰਗਲੌਰ	14ਮਈ1997	ਜਿੱਤ
13	100	ਆਸਟਰੇਲੀਆ	2	2	ਕਾਨਪੁਰ	7 ਅਪ੍ਰੈਲ 1998	ਜਿੱਤ
14	143	ਆਸਟਰੇਲੀਆ	2	2	ਸ਼ਾਰਜਾਹ	22 ਅਪ੍ਰੈਲ1998	ਹਾਰ
15	134	ਆਸਟਰੇਲੀਆ	2	2	ਸ਼ਾਰਜਾਹ	24ਅਪ੍ਰੈਲ 1998	ਜਿੱਤ
16	100*	ਕੀਨੀਆਂ	2	2	ਕੋਲਕਾਤਾ	31ਮਈ 1998	ਜਿੱਤ
17	128	ਸ਼੍ਰੀਲੰਕਾ	2	1	ਕੋਲੰਬੋ	7 ਜੁਲਾਈ 1998	ਜਿੱਤ
18	127*	ਜ਼ਿੰਬਾਬਵੇ	2	2	ਬੁਲਾਵਾਓ	26 ਸਤੰਬਰ 1998	ਜਿੱਤ
19	141	ਆਸਟਰੇਲੀਆ	2	1	ਢਾਕਾ	28 ਅਕਤੂਬਰ 1998	ਜਿੱਤ
20	118*	ਜ਼ਿੰਬਾਬਵੇ	2	2	ਸ਼ਾਰਜਾਹ	8 ਨਵੰਬਰ1998	ਜਿੱਤ
21	124*	ਜ਼ਿੰਬਾਬਵੇ	2	2	ਸ਼ਾਰਜਾਹ	13ਨਵੰਬਰ 1998	ਜਿੱਤ
22	140*	ਕੀਨੀਆਂ	4	1	ਬਰਿਸਟਲ	23 ਮਈ 1999	ਜਿੱਤ
23	120♠	ਸ਼੍ਰੀਲੰਕਾ	1	1	ਕੋਲੰਬੋ	29 ਅਗਸਤ 1999	ਜਿੱਤ
24	186*♠	ਨਿਊਜ਼ੀਲੈਡ	2	1	ਹੈਦਰਾਬਾਦ	8 ਨਵੰਬਰ 1999	ਜਿੱਤ
25	122	ਦੱ;ਅਫਰੀਕਾ	2	2	ਵਡੋਦਰਾ	17 ਮਾਰਚ 2000	ਜਿੱਤ
26	101	ਸ਼੍ਰੀਲੰਕਾ	2	1	ਸ਼਼ਾਰਜਾਹ	20 ਅਕਤੂਬਰ 2000	ਹਾਰ
27	146	ਜ਼ਿੰਬਾਬਵੇ	2	1	ਜੋਧਪੁਰ	8 ਦਸੰਬਰ 2000	ਹਾਰ
28	139	ਆਸਟਰੇਲੀਆ	2	1	ਇੰਦੌਰ	31 ਮਾਰਚ 2001	ਜਿੱਤ
29	122*	ਵੈਇੰਡੀਜ਼	2	2	ਹਰਾਰੇ	4 ਜੁਲਾਈ 2001	ਜਿੱਤ
30	101	ਦੱ;ਅਫਰੀਕਾ	2	1	ਜੋਹਾਂਸਬਰਗ	5 ਅਕਤੂਬਰ 2001	ਹਾਰ
31	146	ਕੀਨੀਆਂ	2	1	ਪਾਰਲ	24 ਅਕਤੂਬਰ 2001	ਜਿੱਤ
32	105*	ਇੰਗਲੈਂਡ	4	1	ਚੈਸਟਰ.ਲੀ	4 ਜੁਲਾਈ 2002	ਬੇ ਸਿੱਟਾ
33	113	ਸ਼੍ਰੀਲੰਕਾ	4	1	ਬਰਿਸਟਲ	11ਜੁਲਾਈ 2002	ਜਿੱਤ
34	152	ਨਾਮੀਬੀਆ	2	1	ਓਵਲ	23 ਫਰਵਰੀ 2003	ਜਿੱਤ
35	100	ਆਸਟਰੇਲੀਆ	2	1	ਗਵਾਲੀਅਰ	26 ਅਕਤੂਬਰ 2003	ਜਿੱਤ
36	102	ਨਿਊਜ਼ੀਲੈਡ	2	1	ਹੈਦਰਾਬਾਦ	15 ਨਵੰਬਰ 2003	ਜਿੱਤ
37	141	ਪਾਕਿਸਤਾਨ	2	2	ਰਾਵਲਪਿੰਡੀ	16 ਮਾਰਚ 2004	ਹਾਰ
38	123	ਪਾਕਿਸਤਾਨ	2	1	ਅਹਿਮਦਾਬਾਦ	12 ਅਪ੍ਰੈਲ 2005	ਹਾਰ
39	100	ਪਾਕਿਸਤਾਨ	2	1	ਪਿਸ਼ਾਵਰ	6, ਫਰਵਰੀ 2006	ਹਾਰ
40	141*	ਵੈਇੰਡੀਜ਼	2	1	ਕੁਆਲਾਲੰਪੁਰ	14 ਸਤੰਬਰ 2006	ਹਾਰ
41	100*	ਵੈਇੰਡੀਜ਼	4	1	ਵਡੋਦਰਾ	31ਜਨਵਰੀ 2007	ਜਿੱਤ
42	117*	ਆਸਟਰੇਲੀਆ	1	2	ਸਿਡਨੀ	2 ਮਾਰਚ 2008	ਜਿੱਤ
43	163*	ਨਿਊਜ਼ੀਲੈਡ	2	1	ਕਰਾਈਸਚਰਚ	8 ਮਾਰਚ 2009	ਜਿੱਤ
44	138	ਸ਼੍ਰੀਲੰਕਾ	1	1	ਕੋਲੰਬੋ	14 ਸਤੰਬਰ 2009	ਜਿੱਤ
45	175	ਆਸਟਰੇਲੀਆ	2	2	ਹੈਦਰਾਬਾਦ	5 ਨਵੰਬਰ 2009	ਹਾਰ
46	200*	ਦੱ;ਅਫਰੀਕਾ	2	1	ਗਵਾਲੀਅਰ	24 ਫਰਵਰੀ 2010	ਜਿੱਤ
47	120	ਇੰਗਲੈਂਡ	2	1	ਬੰਗਲੌਰ	27 ਫਰਵਰੀ 2011	ਟਾਈਡ
48	111	ਦੱ;ਅਫਰੀਕਾ	2	1	ਨਾਗਪੁਰ	12 ਮਾਰਚ 2011	ਹਾਰ
49	114	ਬੰਗਲਾ ਦੇਸ਼		2	ਮੀਰਪੁਰ	16 ਮਾਰਚ 2012	ਹਾਰ

♠ ਕਪਤਾਨੀ ਵਾਲਾ ਮੈਚ

* ਨਾਟ ਆਊਟ

                          ********************

ਰਣਜੀਤ ਸਿੰਘ ਪ੍ਰੀਤ

ਭਗਤਾ-151206 (ਬਠਿੰਡਾ)

ਮੁਬਾਇਲ ਸੰਪਰਕ 98157-07232